இந்தியா

வங்க தேசம் செல்கிறார் மோடி

வங்க தேசம் செல்கிறார் மோடி

இந்திய பிரதமர் மோடி கொரோனா காரணமாக வெளிநாட்டு பயணங்களைத் தவிர்த்து வந்தார். மோடி இந்திய பிரதமர் ஆனதில் இருந்து அதிகளவில் வெளிநாட்டுப் பயணங்களை மேற்கொண்டு வந்தார். இந்திய பிரதமர்களிலேயே அதிகமாக வெளிநாடு சென்ற பிரதமர் மோடிதான். இந்நிலையில் இந்த பயணங்கள் குறித்தும் அதற்கான செலவுகள் குறித்தும் விமர்சனங்கள் எழுந்தன. ஆனால் கொரோனா வைரஸ் தொற்றால் கடந்த 15 மாதங்களாக அவர் எந்த வொரு வெளிநாட்டு பயணத்தையும் மேற்கொள்ளவில்லை. இப்போது அவர் வங்கதேசத்தின் சுதந்திர தினத்தை முன்னிட்டு வரும் 26 ஆம் தேதி சுதந்திர தின நிகழ்ச்சியில் கலந்துகொள்ள செல்லவுள்ளார். இது வங்கதேசத்தின் 50 ஆவது சுதந்திரதினம் என்பது குறிப்பிடத்தக்கது.
கொல்கத்தா  அடுக்குமாடி வளாகத்தில்  திடீரென தீ விபத்து

கொல்கத்தா அடுக்குமாடி வளாகத்தில் திடீரென தீ விபத்து

கொல்கத்தா ஸ்டாரெண்ட் என்ற பகுதியில் உள்ள அடுக்குமாடி வளாகத்தின் 13-வது மாடியில் நேற்று நள்ளிரவில் திடீரென தீ விபத்து ஏற்பட்டது. இது குறித்து தகவல் அறிந்த தீயணைப்பு படையினர் விரைந்து வந்து தீயை அணைப்பதற்கு லிப்ட்டில் சென்றனர் அப்போது திடீரென லிப்ட் நின்று கொண்டதை அடுத்து அந்த லிப்டில் இருந்த 9 தீயணிஅப்பு வீரர்களும் பரிதாபமாக பலியாகினர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது
பஞ்சாப் மாநிலத்தில் ஒரு லட்சத்திற்கும் மேற்பட்ட விவசாயிகள் திரண்டு பிரமாண்டமான போராட்டம்

பஞ்சாப் மாநிலத்தில் ஒரு லட்சத்திற்கும் மேற்பட்ட விவசாயிகள் திரண்டு பிரமாண்டமான போராட்டம்

வேளாண் சட்டங்களுக்கு எதிரானபோராட்டங்களுக்கு வலுசேர்க்கும்வகையில்,பஞ்சாப் மாநிலத்தில் ஒரு லட்சத்திற்கும் மேற்பட்ட விவசாயிகள் திரண்டு பிரமாண்டமான போராட்டம் நடத்தினர். இந்த போராட்டத்தால் வடக்கு பஞ்சாப் பகுதியே குலுங்கியது டெல்லிக்கு வெளியே நடத்தப்படும் போராட்டத்தில், வரும் சனிக்கிழமை பஞ்சாப் மாநில விவசாயிகளையும் இணைத்துக்கொள்ள விவசாய சங்கத் தலைவர்கள் திட்டமிட்டுள்ளனர். மத்திய அரசுக்கும் விவசாய அமைப்புகளுக்கும் இடையே பல சுற்றுகளாகச் சமரசப் பேச்சு நடைபெற்றுள்ளது. ஆனால், விவசாயிகள் ஏற்றுக் கொள்ளும் வகையில் இதுவரை எந்தத் தீர்வும் எட்டப்படவில்லை.
“நன்றி சென்னை, சிறப்பான வரவேற்பால் அகமகிழ்ந்தேன்” என தமிழில் பதிவிட்டார் மோடி

“நன்றி சென்னை, சிறப்பான வரவேற்பால் அகமகிழ்ந்தேன்” என தமிழில் பதிவிட்டார் மோடி

சென்னை வந்த பிரதமர் மோடி நிகழ்ச்சி ஏற்பாடு செய்யப்பட்டிருந்த நேரு விளையாட்டரங்கில் இருந்து ரூ. 8,126 கோடி திட்டங்களை தொடங்கி வைத்தார். பின்னர், மத்திய அரசின் செயல்பாடுகள் குறித்து உரையாற்றினார். பின்பு சென்னையில் இருந்து கேரளாவின் கொச்சி நகருக்கு விமானத்தில் புறப்பட்டார் மோடி. சென்னை வருகை குறித்து தன்னுடைய ட்விட்டர் பக்கத்தில் “நன்றி சென்னை, சிறப்பான வரவேற்பால் அகமகிழ்ந்தேன்” என தமிழில் பதிவிட்டார். பின்பு விமானத்தில் இருந்தபடியே சேப்பாக்கம் கிரிக்கெட் மைதானத்தின் புகைப்படத்தை பகிர்ந்த மோடி "வானத்தில் இருந்தபடியே சென்னையில் நடைபெறும் இந்தியா - இங்கிலாந்து இடையிலான சுவார்ஸ்யமான டெஸ்ட் போட்டியை கண்டேன்" என பதிவிட்டுள்ளார்.
குடியரசுத் தலைவர் ராம்நாத் கோவிந்த்,குடியரசு தின உரை

குடியரசுத் தலைவர் ராம்நாத் கோவிந்த்,குடியரசு தின உரை

கொரோனா காலத்தில் சிறப்பான பணியினை ஆற்றிய விவசாயிகள், ராணுவத்தினர், விஞ்ஞானிகள், மருத்துவப் பணியாளர்கள் மற்றும் பலருக்கும் நன்றியினை தெரிவித்து குடியரசுத் தலைவர் ராம்நாத் கோவிந்த்,குடியரசு தின உரையாற்றியுள்ளார். 72ஆவது குடியரசுத் திருநாளை முன்னிட்டு குடியரசுத் தலைவர் மாண்புமிகு ராம்நாத் கோவிந்த் நாட்டுமக்களுக்கு ஆற்றிய உரையில் இடம்பெற்றுள்ள முக்கிய அம்சங்கள்.. நீதி, சுதந்திரம், சமத்துவம், சகோதரத்துவம் ஆகியன நமது வாழ்க்கைத் தத்துவத்தின் நிரந்தரமான சித்தாந்தங்கள். இந்தக் கோட்பாடுகள் சுட்டும் பாதையில், நமது வளர்ச்சிப் பயணம் நிரந்தரமாக முன்னேற்றம் காண வேண்டும். தீவிரமான இயற்கைச் சூழல்களையும், அநேக சவால்களையும், கோவிட் பெருந்தொற்று ஆகியவற்றையும் தாண்டி நமது விவசாய சகோதர சகோதரிகள், வேளாண் உற்பத்தியில் எந்தக் குறைவையும் ஏற்பட விடவில்லை. நன்றியுடைய நமது தேசம், நமது அன்னமளிக்கும் விவசாயிகள
மத்திய அரசின் பத்ம விருதுகள் அறிவிப்பு

மத்திய அரசின் பத்ம விருதுகள் அறிவிப்பு

மத்திய அரசின் பத்ம விருதுகள் இன்று அறிவிக்கப்பட்டுள்ளன. இதில் 102 பேருக்கு பத்மஸ்ரீ விருதுகள் அறிவிக்கப்பட்டுள்ளன. இதில் தமிழகத்தை சேர்ந்த 10 பேரும் அடங்குவார்கள். பத்மஸ்ரீ விருது பெற்ற தமிழகத்தை சேர்ந்தவர்கள்.. P.அனிதா- விளையாட்டுத் துறை ஸ்ரீ சுப்பு ஆறுமுகம்- கலைத்துறை சாலமன் பாப்பையா- தமிழறிஞர் பாப்பம்மாள்- விவசாயம் பாம்பே ஜெயஸ்ரீ ராம்நாத்- கலைத்துறை கே.சி சிவசங்கர்- கலைத்துறை மராச்சி சுப்புராமன்- சமூக சேவை சுப்பிரமணியன்- வர்த்தகம் மற்றும் தொழில்துறை திருவேங்கடம் வீரராகவன்- மருத்துவம் ஸ்ரீதர் வேம்பு- வர்த்தகம் மற்றும் தொழில்துறை
குடியரசு தினம் பிறந்தது எப்படி?

குடியரசு தினம் பிறந்தது எப்படி?

இந்தியா சுதந்திரம் பெற்றது 1947, ஆகஸ்ட் 15 என்பது எல்லோருக்கும் தெரியும். ஆனால் அதற்கு முன்பே இந்தியா 'சுதந்திர தினம்' கொண்டாடியிருக்கிறது என்பது உங்களுக்குத் தெரியுமா? 1930 ஆம் ஆண்டு, ஜனவரி 26ஆம் தேதி அன்று நாடு முழுவதும் சுதந்திர தினம் கொண்டாட வேண்டும் என காந்தியடிகள் வேண்டுகோள் விடுத்தார். அந்த நாள்தான் இந்தியா சுதந்திரம் பெற்ற பின் குடியரசு தினமாகக் கொண்டாடப்பட்டுவருகிறது. காந்தியடிகள் அப்படி அறிவித்ததன் பின்னணி என்ன? 1929ஆம் ஆண்டு டிசம்பர் மாதம் லாகூரில் கூடிய அகில இந்திய மாநாட்டில், 'பூரண சுயராச்சியமே நமது நாட்டின் உடனடியான இலட்சியம்' என்ற தீர்மானம் நிறைவேற்றப்பட்டது. அதனை செயல்படுத்துவதற்கான போராட்டம் குறித்து காந்திஜியே முடிவுசெய்து அறிவிப்பார் என்று மற்றொரு தீர்மானம் நிறைவேற்றப்பட்டது. அந்தக் காலகட்டத்தில் நாட்டில் பொருளாதார மந்த நிலை நிலவியது. வறுமை மக்களை வாட்டி எடு
கோவாக்சினை அவசரகாலத் தேவைக்குப் பயன்படுத்த அனுமதி வழங்கக்கோரி, மத்திய அரசின் வல்லுநர் குழு பரிந்துரை

கோவாக்சினை அவசரகாலத் தேவைக்குப் பயன்படுத்த அனுமதி வழங்கக்கோரி, மத்திய அரசின் வல்லுநர் குழு பரிந்துரை

இந்தியாவின் பாரத் பயோடெக் நிறுவனம் தயாரித்துள்ள கரோனா தடுப்பு மருந்தான கோவாக்சினை அவசரகாலத் தேவைக்குப் பயன்படுத்த அனுமதி வழங்கக்கோரி, மத்திய அரசின் வல்லுநர் குழு பரிந்துரைத்துள்ளது. ஹைதராபாத்தைச் சேர்ந்த பாரத் பயோடெக் நிறுவனம், இந்திய மருத்துவ ஆராய்ச்சிக் கழகத்துடன் இணைந்து தயாரித்துள்ள இந்தத் தடுப்பூசியினை மனிதர்களுக்குச் செலுத்தி பரிசோதனை செய்ய இந்திய மருத்துவ ஆராய்ச்சிக் கழகம் கடந்த ஜூலை 1ஆம் தேதி அனுமதியளித்தது. தற்போது நாடு முழுவதும் பல்வேறு இடங்களில், கோவாக்சின் தடுப்பூசியின் மூன்றாம் கட்டப் பரிசோதனை நடைபெற்றுவருகிறது. முன்னதாக, மத்திய வல்லுநர் குழுவின் பரிந்துரையை ஏற்று ஆக்ஸ்போர்டு பல்கலைக்கழகத்தின் கோவிஷீல்டு கரோனா தடுப்பு மருந்தினை அவசரகால அடிப்படையில் பயன்படுத்த இந்திய மருந்து தரக் கட்டுப்பாட்டு அமைப்பு அனுமதி வழங்கியது.
நாடு முழுவதும் ஜனவரி 2ம் தேதி கொரோனா தடுப்பூசி ஒத்திகை

நாடு முழுவதும் ஜனவரி 2ம் தேதி கொரோனா தடுப்பூசி ஒத்திகை

தமிழகம் உள்பட நாடு முழுவதும் ஜனவரி 2ம் தேதி கொரோனா தடுப்பூசி போடும் ஒத்திகை நடைபெறும் என்று மத்திய அரசு அறிவித்துள்ளது. கொரோனா வைரஸ் உலகத்தையே அச்சுறுத்தி வரும் நிலையில் கொத்து கொத்தாக உயிர்கள் மாண்டு வருகின்றன. தற்போது, கொரோனா 2வது அலையை ஆரம்பித்துள்ளது. இதில் பிரிட்டன் கடுமையாக பாதிக்கப்பட்டுள்ளது. முதன் முதலில் பிரிட்டனில் கொரோனா வைரஸை கட்டுப்படுத்த பைசர் நிறுவனத்தின் தடுப்பூசிக்கு அங்கீகாரம் வழங்கப்பட்டது. அவசர தேவைகளுக்கு தடுப்பூசியை பயன்படுத்த அனுமதி அளிக்கப்பட்டதையடுத்து, நாடு முழுவதும் தடுப்பூசி போடும் பணிகள் முழுவீச்சில் நடைபெறுகின்றன. இதற்கிடையே, கொரோனா வைரஸின் முந்தைய நிலையை விட உருமாற்றம் பெற்ற புதிய வகை வைரஸ் தற்போது வேகமாக பரவி வருவதால் மக்கள் அச்சமடைந்துள்ளனர். இந்த சூழ்நிலையில், ஆக்ஸ்போர்டு பல்கலைக்கழகம், அஸ்ட்ரா ஜெனேகா நிறுவனம் இணைந்து தயாரித்துள்ள கொரோனா தடுப்பூசிய
கோவிஷீல்ட்டு தடுப்பூசிக்கு பிரிட்டன் அரசு ஒப்புதல்

கோவிஷீல்ட்டு தடுப்பூசிக்கு பிரிட்டன் அரசு ஒப்புதல்

ஆக்ஸ்போர்ட்- அஸ்ட்ரா ஜெனகா உருவாக்கிய தடுப்பூசிக்கு பிரிட்டன் அரசு ஒப்புதல் அளித்துள்ளது. ஏற்கனவே பைசர், மாடனா ஆகிய இரு நிறுவனங்களின் தடுப்பூசிக்கு அமெரிக்கா உள்ளிட்ட பல்வேறு நாடுகள் ஒப்புதல் அளித்துள்ளன. ஆனால், இந்தியாவில் இதுவரை எந்த தடுப்பூசிக்கும் ஒப்புதல் வழங்கப்படவில்லை. இந்த நிலையில், பிரிட்டனின் ஆக்ஸ்போர்டு-அஸ்ட்ராஜெனகா ஆகிய அமைப்புகளுடன் இணைந்து இந்தியாவின் சீரம் மருந்து தயாரிப்பு நிறுவனம் கொரோனா தொற்றுக்கு எதிராக கோவிஷீல்டு தடுப்பு மருந்தை உருவாக்கியுள்ளது. கோவிஷீல்ட்டு எனப்படும் ஆக்ஸ்போர்டு தடுப்பூசிக்கு பிரிட்டன் அரசு ஒப்புதல் அளித்திருப்பதால், இந்தியாவில் ஓரிரு நாட்களில் ஆக்ஸ்போர்டு தடுப்பூசிக்கு ஒப்புதல் கிடைக்கும் என எதிர்பார்க்கப்படுகிறது.