Web team
ஏழ்மையின் எதிர்பார்ப்பு.கவிஞர் இரா.இரவி. மாட மளிகை கூட கோபுரம் அல்ல
மண்ணில் வாழ சிறு வீடு போதும் !
ஆடம்பர இராச உடைகள் அல்ல
அவசியமான சாதரண ஆடை போதும் !
விண்ணில் பறக்க விமானம் அல்ல
விலைவாசி கட்டுக்குள் இருந்தால் போதும் !
அடிப்படைத் தேவைகளுக்கே போராட்டம்
அல்லும் பகலும் உழைத்தும் போராட்டம் !
வாழ்வாதாரதிற்கு வகை செய்தால் போதும்
வாடி வதந்கிடத் தேவை இல்லை !
எல்லோருக்கும் எல்லாம் கிடைக்க வேண்டும்
எல்லோரும் அவசியம் உழைக்க வேண்டும் !
தனியார் உடமைகள் பொது உடைமையாக வேண்டும்
தனி ஒரு மனிதனிக்கு உணவில்லை என்பது ஒழிய வேண்டும் !
கோடிகளில் கும்மாளம் இடுகிறது ஒரு கூட்டம்
குடிக்க கூழ் இன்றி வாடுகிறது ஒரு கூட்டம் !
எட்டடுக்கு மாளிகையில் வாழ்கிறது ஒரு கூட்டம்
எட்டுக்கு எட்டு வீட்டில் வாழ்கிறது ஒரு கூட்டம் !
ஒரு வேளை உணவு கூட இன்றி ஒரு கூட்டம் !
ஊரின் உணவை ஒரு வீடு தின்னுது ஒரு கூட்டம் !
ஏற்றத் தாழ்வுகள் ஒழிய வேண்டும்
எங்கும் சமநிலை பரவ வேண்டும் !
மனிதநேயம் பரவ வேண்டும்
மத வெறிகள் ஒழிய வேண்டும் !
