Web team
காகிதக் கப்பல்: கவிஞர் இரா .இரவி
பெரியோர்களுக்கு காகிதம்
சிறுவர்களுக்கு கப்பல்
காகிதக் கப்பல் !
மழைக்காகக் காத்திருந்து
கைகளால் செய்து விடுவது சுகம்
காகிதக் கப்பல் !
சுனாமி பயம் இல்லை
மாலுமி இல்லாத பயணம்
காகிதக் கப்பல் !
சாதாக்கப்பலும் உண்டு
கத்திக்கப்பலும் உண்டு
காகிதக் கப்பல் !
மழை இல்லாவிடினும்
தேங்கிய நீரிலும் விடுவதுண்டு
காகிதக் கப்பல் !
செய்து கொடுத்தும்
சிறுவன் முகத்தில் மலர்ச்சி
காகிதக் கப்பல் !
கூடவே பயணிக்கும்
குழந்தையின் மனசும்
காகிதக் கப்பல் !
செய்யத் தெரியாது என்றால்
சிரித்திடுவார்கள் சிறுவர்கள்
காகிதக் கப்பல் !
மழை விட்டபின்
தொடங்கும் பயணம்
காகிதக் கப்பல் !
நாளைய மாலுமியின்
இன்றைய முன்னோட்டம்
காகிதக் கப்பல் !
முக்கியமான காகிதத்தில் செய்து
அடிவாங்கிய அனுபமுண்டு
காகிதக் கப்பல் !
Please follow and like us:
