இயக்குநர், கலை இயக்குனரை தொடர்ந்து விடாமுயற்சி படத்தில் இப்போது ஒளிப்பதிவாளரும் மாற்றம் செய்யப்பட்டுள்ளார்.
தமிழ் திரையுலகில் முன்னணி நடிகரான அஜித் குமார் தற்போது விடாமுயற்சி என்ற படத்தில் நடித்து வருகிறார். இந்த படத்தைப் பிரபல இயக்குநர் விக்னேஷ் சிவன் இயக்கப் போவதாக அறிவிப்பு வந்தது. ஆனால் சில காரணங்களால் இப்படத்திலிருந்து விக்னேஷ் சிவன் விலகினார்.
பிறகு இயக்குநர் மகிழ் திருமேனியிடம் இந்த திரைப்படம் சென்றது, ஆனால் இந்த கதையை உருவாக்க அதிக அவகாசம் தேவைப்பட்டதால் இந்த திரைப்படத்தின் தலைப்பு வெளியாகவே பல மாதங்கள் ஆனது.
பின்னர் அக்டோபர் மாதம் படப்பிடிப்பு பணியைத் தொடங்கிய படகுழுக்கு அதிர்ச்சி தரும் விதமாக விடாமுயற்சி படத்தில் பணியாற்றி வந்த பிரபல கலை இயக்குனர் மிலன் காலமானார். இது படக்குழுவிடம் பெரும் சோகத்தை ஏற்படுத்தியது.
பின்னர் படப்பிடிப்பு பணிகள் தொடங்கி நடந்து வரும் நேரத்தில் இப்படத்தில் ஒரு புதிய மாற்றம் நிகழ்ந்துள்ளது. இந்தப் படத்துக்கு நீரவ்ஷா ஒளிப்பதிவு செய்து வந்த நிலையில் தற்போது அவருக்குப் பதில் ஓம்பிரகாஷ் ஒளிப்பதிவு செய்து வருகிறார். இந்த மாற்றத்துக்கான காரணம் தெரியவில்லை.
இப்படி இயக்குநர், கலை இயக்குனரை தொடர்ந்து இப்படத்தில் ஒளிப்பதிவாளரும் மாற்றப்பட்டுள்ளார், இருப்பினும் விடாமுயற்சி குழு விடாமுயற்சியுடன் படப்பிடிப்பைத் தொடர்ந்து வருகிறது.
