வங்கக்கடலில் இன்று புதிய காற்றழுத்த தாழ்வு பகுதி உருவாகும் வாய்ப்பு இருப்பதாக இந்திய வானிலை ஆய்வு மையம் அறிவித்துள்ளது.
வானிலை மையம் வெளியிட்ட அறிக்கையில் கூறியதாவது:
நேற்று காலை வரை கடந்த 24 மணி நேரத்தில், சென்னை மணலியில் 6 செ.மீ. அதிகபட்ச மழை பதிவாகியுள்ளது.
பின்னதாக, திருவள்ளூர் மாவட்டம் செங்குன்றத்தில் 4 செ.மீ. மற்றும் புழல், மணலி புதுநகர், நீலகிரி மாவட்டம் அழகரை எஸ்டேட் உள்ளிட்ட பகுதிகளில் தலா 3 செ.மீ. மழை பதிவாகியுள்ளது.
மத்திய வங்கக்கடல் பகுதியில் வளிமண்டல மேலடுக்கு சுழற்சி ஒன்று நிலவுகிறது.
இதன் தாக்கமாக மத்திய மேற்கு மற்றும் வட மேற்கு வங்கக்கடல் பகுதிகளில் இன்று காற்றழுத்த தாழ்வு உருவாகக்கூடும் என கணிக்கப்படுகிறது.
