சென்னையில் தங்கம் விலை இன்று கணிசமாகக் குறைந்துள்ளது. 22 கேரட் ஆபரணத் தங்கத்தின் விலை சவரனுக்கு ரூ.1,120 குறைந்து ரூ.1,10,480-க்கு விற்பனை செய்யப்படுகிறது.ஒரு கிராம் தங்கத்தின் விலையும் குறைந்துள்ளது. கிராமுக்கு ரூ.140 குறைந்து ஒரு கிராம் ரூ.13,810-க்கு விற்பனை செய்யப்படுகிறது.
வாரத் தொடக்கத்திலேயே தங்கம் விலை ஆயிரத்திற்கும் மேல் குறைந்திருப்பது, திருமணம் உள்ளிட்ட சுபகாரியங்களுக்காக நகை வாங்கத் திட்டமிட்டுள்ளவர்களுக்கு நல்ல வாய்ப்பாக அமைந்துள்ளது.தங்கம் விலை குறைந்திருந்தாலும், வெள்ளி விலையில் எவ்வித மாற்றமும் இல்லை.
ஒரு கிராம் வெள்ளி ரூ.255-க்கும், ஒரு கிலோ பார் வெள்ளி ரூ.2,55,000-க்கும் கடந்த வார விலையிலேயே தொடர்ந்து விற்பனை செய்யப்படுகிறது.சர்வதேச சந்தை நிலவரம், டாலர் மதிப்பு மற்றும் உள்ளூர் தேவை ஆகிய காரணிகளால் தங்கம் விலை அடிக்கடி ஏற்ற இறக்கத்தை சந்தித்து வருகிறது.
தற்போது ஏற்பட்டுள்ள இந்த விலைக் குறைவு, நீண்ட நாட்களாக தங்கம் வாங்க காத்திருந்தவர்களுக்கு சற்று நிம்மதியை அளித்துள்ளது.இருப்பினும், தங்கம் விலை சந்தை நிலவரங்களுக்கு ஏற்ப மீண்டும் மாறக்கூடும் என்பதால், வாங்குபவர்கள் சற்று எச்சரிக்கையுடன் செயல்பட வேண்டும் என்று நகை வியாபாரிகள் தெரிவித்துள்ளனர்.
