“இன்று இந்தியா vs பாகிஸ்தான் மோதல்…..!” 306 ரன் வித்தியாசத்துல மாஸ் வின்…. இப்போ பாகிஸ்தான் மேட்ச்…. வைபவ் சூர்யவன்ஷி, திலக் வர்மா கலக்குவாங்களா….? ஆவலோடு ரசிகர்கள்….. வைரலாகும் அப்டேட்…..!! 

Estimated read time 1 min read

ACC ஆடவர் ஆசிய கோப்பை ரைசிங் ஸ்டார்ஸ் 2026 தொடரின் முதல் போட்டியில், இந்தியா ‘ஏ’ அணி நேபாளத்தை 306 ரன்கள் வித்தியாசத்தில் வீழ்த்தி அபார வெற்றி பெற்றது. முதலில் பேட்டிங் செய்த இந்தியா 50 ஓவர்களில் 9 விக்கெட் இழப்பிற்கு 332 ரன்கள் குவிக்க, நேபாள அணி வெறும் 26 ரன்களுக்குச் சுருண்டது. தொடக்கத்தில் வைபவ் சூர்யவன்ஷி மற்றும் அபிஷேக் சர்மா விரைவில் ஆட்டமிழந்தாலும், திலக் வர்மா (107) மற்றும் குமார் குஷாக்ரா (117) ஆகியோர் சதம் அடித்து அணியை வலுவான நிலைக்குக் கொண்டு சென்றனர்.

நேபாளத்திற்கு எதிரான இந்தப் போட்டியில் பந்துவீச்சிலும் இந்திய வீரர்கள் கலக்கினர். பிரின்ஸ் யாதவ் 5 விக்கெட்டுகளையும், ஹர்ஷித் ராணா 4 விக்கெட்டுகளையும் வீழ்த்தி எதிரணியை நிலைகுலையச் செய்தனர். சிறப்பாக விளையாடிய குமார் குஷாக்ரா ஆட்ட நாயகனாகத் தேர்ந்தெடுக்கப்பட்டார்.

இப்போது இந்தியா ‘ஏ’ அணி, தனது அடுத்த போட்டியில் பாகிஸ்தான் ஷஹீன்ஸ் அணியை இன்று (நவம்பர் 22) எதிர்கொள்கிறது. இந்தப் போட்டி இந்திய நேரப்படி மாலை 3:30 மணிக்குத் தொடங்க உள்ளது. போட்டியை சோனி ஸ்போர்ட்ஸ் தொலைக்காட்சியிலும், சோனி லிவ் செயலியிலும் நேரலையில் பார்க்கலாம்.

பாகிஸ்தான் அணிக்கு எதிரான உத்தேச ஆடும் லெவனில் அபிஷேக் சர்மா மற்றும் வைபவ் சூர்யவன்ஷி தொடக்க வீரர்களாகக் களமிறங்குவார்கள் என எதிர்பார்க்கப்படுகிறது. தொடர்ந்து ஆயுஷ் படோனி, திலக் வர்மா, குமார் குஷாக்ரா, ரிங்கு சிங் மற்றும் சூர்யன்ஷ் ஷெட்ஜ் ஆகியோர் பேட்டிங்கில் வலு சேர்க்க உள்ளனர்.

பந்துவீச்சுப் படையில் ஹர்ஷித் ராணா மற்றும் பிரின்ஸ் யாதவுடன், ஷாபாஸ் அகமது மற்றும் விப்ராஜ் நிகம் ஆகியோர் இடம் பெறுவார்கள் எனக் கணிக்கப்பட்டுள்ளது. நேபாளத்தை வீழ்த்திய உற்சாகத்தோடு, பாகிஸ்தானுக்கு எதிராகவும் வெற்றியைத் தொடர இந்தியா ‘ஏ’ அணி தயாராகி வருகிறது.

Please follow and like us:

You May Also Like

More From Author