டெல்லியில் பாஜக ஆளும் மாநில முதல்வர்களுடன் பிரதமர் மோடி ஆலோசனை மேற்கொண்டார்.
பாஜக தலைமை அலுவலகத்தில் நடைபெற்ற இந்த ஆலோசனைக் கூட்டத்தில், மத்திய அமைச்சர்கள் அமித் ஷா, ராஜ்நாத் சிங், ஜெ.பி.நட்டா ஆகியோர் பங்கேற்றனர்.
ராஜஸ்தான் முதல்வர் பஜன் லால் சர்மா, திரிபுரா முதல்வர் மாணிக் சாஹா, மத்திய பிரதேச முதல்வர் மோகன் குமார் யாதவ், மணிப்பூர் முதல்வர் பிரேன் சிங் உள்ளிட்டோர் இந்தக் கூட்டத்தில் பங்கேற்றனர்.
இதேபோல மகாராஷ்டிரா துணை முதல்வர் தேவேந்திர ஃபட்னவீஸ், உத்தர பிரதேச துணை முதல்வர் கேசவ் பிரசாத் மெளரியா உள்ளிட்டோர் கலந்துகொண்டனர்.
இதில் மாநில அரசுகளின் பல்வேறு திட்டங்கள் தொடர்பாக விரிவாக விவாதிக்கப்பட்டதுடன், மத்திய அரசின் அனைவருக்கும் வீடுகட்டும் திட்டம், ஜல் ஜீவன் மிஷன் உள்ளிட்ட திட்டங்களைத் திறம்பட செயல்படுத்துவது தொடர்பாக ஆலோசனை நடத்தப்பட்டதாக தகவல் வெளியானது.
