தமிழக வெற்றிக் கழகத் தலைவர் விஜய் அரசியலில் கால் பதித்ததில் இருந்தே அவர் குறித்த விவாதங்கள் சூடுபிடித்துள்ள நிலையில், விடுதலைச் சிறுத்தைகள் கட்சியின் தலைவர் திருமாவளவன் விஜய்க்கு எதிராகக் கடுமையான விமர்சனத்தை முன்வைத்துள்ளார்.
விஜய் தமிழகத்தில் ஆட்சியைப் பிடிப்பதற்கான வாய்ப்பே இல்லை என்றும், அதற்கான அரசியல் வலிமையை அவர் இன்னும் பெறவில்லை என்றும் திருமாவளவன் தெரிவித்துள்ளார். எந்தக் கோணத்தில் கணக்குப் போட்டுப் பார்த்தாலும் வரும் தேர்தலில் திமுக கூட்டணி தான் மீண்டும் வெற்றியைப் பெறும் என்று அவர் உறுதிபடக் கூறியுள்ளார்.
மேலும், தனது கட்சி குறித்துப் பேசிய அவர், விசிக போட்டியிடும் 8 தொகுதிகளிலும் வெற்றி வாய்ப்பு மிகவும் பிரகாசமாக இருப்பதாகவும், மக்கள் தங்கள் பக்கமே இருப்பார்கள் என்றும் நம்புவதாகத் தெரிவித்துள்ளார். விஜய்யின் அரசியல் வருகை திமுக கூட்டணியைப் பாதிக்காது என்பதைத் தனது பேச்சின் மூலம் திருமாவளவன் உணர்த்தியுள்ளார்.
தேர்தல் களம் சூடுபிடித்துள்ள வேளையில், தவெக தலைவருக்கு எதிரான திருமாவளவனின் இந்த ‘பகீர்’ கணிப்பு அரசியல் வட்டாரத்தில் பெரும் பரபரப்பை ஏற்படுத்தியுள்ளது.
