உத்தரகாண்டில் சக்திவாய்ந்த நிலநடுக்கம்! டெல்லி, பஞ்சாப், ஹரியானாவில் உணராப்பட்ட நிலஅதிர்வுகள்!
உத்தரகாண்ட் மாநிலத்தில் செவ்வாய்க்கிழமை இரவு 10:30 மணியளவில் ரிக்டர் அளவில் 4.4 ஆகப் பதிவான நிலநடுக்கம் ஏற்பட்டது. இந்த நிலநடுக்கத்தின் அதிர்வுகள் டெல்லி-என்.சி.ஆர் (Delhi-NCR), இமாச்சலப் பிரதேசம், பஞ்சாப் மற்றும் ஹரியானா உள்ளிட்ட வடஇந்தியாவின் பல்வேறு பகுதிகளில் பரவலாக உணரப்பட்டதால் பொதுமக்கள் அதிர்ச்சியடைந்தனர்.
ஆரம்பகட்ட தகவல்களின்படி, உத்தரகாண்டில் உள்ள ‘காடுன் லாகா கவாலி’ (Khadun Laga Gawali) பகுதியிலிருந்து சுமார் 22 கி.மீ தொலைவில் இந்நிலநடுக்கத்தின் மையம் அமைந்திருந்தது பதிவாகியுள்ளது.
தலைநகர் டெல்லி மற்றும் அதனைச் சுற்றியுள்ள புகர்ப் பகுதிகளில் நிலஅதிர்வு உணரப்பட்ட நிலையில், பொதுமக்கள் வீடுகளை விட்டு வெளியேறிச் சில நிமிடங்கள் நிலநடுக்க அதிர்வை உணர்ந்ததாகத் தெரிவித்தனர். இதேபோன்று பஞ்சாப், ஹரியானா மற்றும் இமாச்சலப் பிரதேசத்தின் சில பகுதிகளிலிருந்தும் நிலஅதிர்வுகள் குறித்த தகவல்கள் வெளியாகியுள்ளன.
இந்த நிலநடுக்கத்தின் ஆழம் குறித்த விவரங்கள் உடனடியாக வெளியாகவில்லை. மேலும், இச்சம்பவத்தால் ஏற்பட்ட பொருள் சேதங்களோ அல்லது உயிர்ச்சேதங்களோ குறித்து இதுவரை எந்தவொரு உடனடித் தகவலும் பதிவாகவில்லை என அதிகாரிகள் தெரிவித்துள்ளனர்.
