உலகின் முன்னணி தொழில்நுட்ப நிறுவனமான என்விடியாவின் தலைமை நிர்வாக அதிகாரி ஜென்சன் ஹுவாங் தொடர்பான ரகசிய உறவு சர்ச்சையால், அந்நிறுவனத்திற்கு ஒரே வாரத்தில் சுமார் 47 லட்சம் கோடி ரூபாய் வரை இழப்பு ஏற்பட்டுள்ளதாகத் தகவல்கள் வெளியாகியுள்ளன.
இந்தத் திடீர் சர்ச்சை காரணமாகப் பங்குச் சந்தையில் அந்நிறுவனத்தின் மதிப்பு கடுமையாகச் சரிந்துள்ளது. இதன் விளைவாக, என்விடியா நிறுவனத்தின் தற்போதைய சந்தை மதிப்பு சுமார் 360 லட்சம் கோடி ரூபாயாகக் குறைந்துள்ளது.
நிறுவனத்திற்கு ஏற்பட்ட இந்தப் பெரும் வீழ்ச்சியால், அதன் தலைவர் ஜென்சன் ஹுவாங்கின் தனிப்பட்ட சொத்து மதிப்பிலும் பெரிய அளவில் சரிவு ஏற்பட்டுள்ளது. தற்போது அவரது சொத்து மதிப்பு சுமார் 13.63 லட்சம் கோடி ரூபாயாகக் குறைந்துள்ளது.
இந்தச் சொத்து இழப்பைத் தொடர்ந்து, உலகப் பணக்காரர்களை வரிசைப்படுத்தும் ஃபோர்ப்ஸ் கோடீஸ்வரர்கள் பட்டியலில் ஜென்சன் ஹுவாங் 13-வது இடத்திற்குத் தள்ளப்பட்டுள்ளார்.
தனிப்பட்ட வாழ்க்கையில் ஏற்பட்ட சர்ச்சை ஒன்று, உலகின் மிகப்பெரிய நிறுவனத்தின் மதிப்பையே இந்த அளவுக்கு ஆட்டம் காண வைத்திருப்பது சர்வதேச வர்த்தக உலகில் பெரும் அதிர்ச்சியையும் விவாதத்தையும் ஏற்படுத்தியுள்ளது.
