ஹிந்தியில் ‘தெறி’ ரீமேக்கில் நடிப்பதற்கு முன்பாக ‘அக்கா’ என்ற வெப் சீரிஸில் கீர்த்தி சுரேஷ் நடிக்கவுள்ளதாக தகவல் வெளியாகியுள்ளது.
தமிழ், தெலுங்கு, ஹிந்தி, மலையாளம் ஆகிய மொழிகளில் பிரபல நடிகையாக இருப்பவர் தான் கீர்த்தி சுரேஷ். தற்போது அட்லீ இயக்கத்தில் விஜய் நடிப்பில் வெளியாகி ப்ளாக்பஸ்டர் படமாக இருந்த ‘தெறி’ படத்தின் ஹிந்தி ரீமேக்கில் நடிக்கவுள்ளார்.
ஆனால் ‘தெறி’ ரீமேக்கில் நடிப்பதற்கு முன்பாக ஹிந்தி வெப் சீரிஸில் கீர்த்தி சுரேஷ் நடிக்க போவதாக தகவல் வெளியாகியுள்ளது. பாலிவுட்டின் பிரபலமான தயாரிப்பு நிறுவனமான யாஷ் ராஜ் பிலிம்ஸ் என்டர்டெயின்மென்ட் தயாரிக்க உள்ள ஹிந்தி வெப் சீரிஸ் ஒன்றில் கீர்த்தி சுரேஷ் முன்னணி கதாபாத்திரத்தில் நடிக்க போவதாக தகவல் வெளியாகியுள்ளது.
‘அக்கா’ எனத் தலைப்பிடப்பட்டுள்ள அந்த வெப் சீரிஸில் ‘கபாலி’ பட கதாநாயகி ராதிகா ஆப்தேவும் நடிக்கிறார். த்ரில்லர் கதையாக உருவாக உள்ள இந்த சீரிஸை தர்மராஜ் ஷெட்டி என்ற அறிமுக இயக்குனர் இயக்க உள்ளார். ஹிந்தியில் தயாராகும் இந்த சீரிஸ் மற்ற மொழிகளிலும் வெளியாக உள்ளது.
காஜல் அகர்வால், தமனா, ஹன்சிகா அவர்களை தொடர்ந்து முதல் முறையாக கீர்த்தி சுரேஷ் வெப் சீரிஸில் என்ட்ரி கொடுக்கப்போகிறார்.
