புதிய போக்குவரத்து மாற்றங்கள் விவரம் வருமாறு:-
துரைப்பாக்கம் மேட்டுக்குப்பம் மற்றும் பிள்ளையார் கோவில் தெருவில் இருந்து சோழிங்கநல்லூர் நோக்கிச் செல்லும் வாக னங்கள், அப்பகுதியில் ‘யூ-டர்ன்’ செய்ய தடை விதிக்கப்பட்டுள்ளது. இந்த வாகனங்கள் பெருங்குடி சுங்கச்சாவடி இருந்த பகுதி வரை சென்று, அங்கு யூ-டர்ன் எடுத்து சோழிங்கநல்லூர் நோக்கிச் செல்ல வேண்டும்.
அதேபோல், 200 அடி ரேடியல் சாலையில் இருந்து சோழிங்கநல்லூர் செல்லும் வாகனங்கள் சீவரம் அருகே யூ-டர்ன் செய்ய அனுமதி இல்லை. அந்த வாகனங்களும் பெருங்குடி சுங்கச்சாவடி இருந்த பகுதிக்கு சென்று யூ-டர்ன் செய்து சோழிங்கநல்லூர் செல்ல வேண்டும். பெருங்குடி கந்தன்சாவடியில் இருந்து எஸ்.ஆர்.பி.டூல்ஸ் நோக்கி செல்லும் வாகனங்கள், உலக வர்த்தக மையம் அருகே யூ-டர்ன் செய்ய தடை விதிக்கப்பட்டுள்ளது. மாறாக பெருங்குடி சுங்கச்சாவடி வரை சென்று யூ-டர்ன் செய்து எஸ்.ஆர்.பி.டூல்ஸ் நோக்கிச் செல்ல வேண்டும்.
பெருங்குடி மற்றும் சீவரம் பகுதியில் இருந்து 200 அடி ரேடி யல் சாலை நோக்கிச் செல்லும் வாகனங்கள், வழக்கம் போல் யூ-டர்ன் செய்து 200 அடி ரேடியல் சாலைக்கு செல்லலாம். இந்த அதிரடி மாற்றங்கள் மூலம் ஓ.எம்.ஆர். சாலையில் நிலவி வரும் கடுமையான போக்குவரத்து நெரிசல் பெருமளவு குறையும் என்று போக்குவரத்து போலீசார் தெரிவித்துள்ளனர்.
