வெள்ளிக்கிழமை (செப்டம்பர் 6) காங்கிரஸ் கட்சியில் இணைந்த மல்யுத்த வீராங்கனை வினேஷ் போகட், வரும் ஹரியானா சட்டப்பேரவைத் தேர்தலில் ஜூலானா தொகுதியில் போட்டியிடுகிறார்.
முன்னதாக காங்கிரஸின் மத்திய தேர்தல் குழு (சிஇசி) கூட்டத்தில் இந்த முடிவு இறுதி செய்யப்பட்டது.
போகட்டுடன் இணைந்து காங்கிரஸ் கட்சியில் சேர்ந்த மற்றொரு மல்யுத்த வீரரான பஜ்ரங் புனியாவுக்கு இந்தத் தேர்தலில் போட்டியிட வாய்ப்பு வழங்கப்படவில்லை.
இருப்பினும், அகில இந்திய கிசான் காங்கிரஸின் செயல் தலைவராக அவர் நியமிக்கப்பட்டுள்ளார்.
ஹரியானா முன்னாள் முதல்வர் பூபிந்தர் சிங் ஹூடாவை கர்ஹி சாம்ப்லா-கிலோய் தொகுதியில் காங்கிரஸ் நிறுத்தியுள்ளது.
சுரேந்தர் பன்வார் சோனிபட்டில் இருந்தும், ஜக்பீர் சிங் மாலிக் கோஹானாவிலிருந்தும், பாரத் பூஷன் பத்ரா ரோஹ்டக்கிலிருந்தும் போட்டியிட வாய்ப்பு பெற்றுள்ளனர்.
