காஷ்மீரில் தீவிரவாதிகளால் கடத்தப்பட்ட ராணுவ வீரர் உடலில் குண்டு பாய்ந்த நிலையில் சடலமாக மீட்கப்பட்டுள்ளார்.
10 ஆண்டுகளுக்குப் பின்னர் காஷ்மீரில் புதிய ஆட்சி அமையவுள்ள நிலையில் , காஷ்மீரின் அனந்தநாக் மாவட்டத்தை ஒட்டிய வனப்பகுதியில் ராணுவ வீரர்கள் இருவர் கடத்தப்பட்டனர்.
ஒருவர் தப்பிவந்த நிலையில் மற்றொருவரை தேடும் பணியில் பாதுகாப்பு படையினர் ஈடுபட்டனர். இந்நிலையில், தீவிரவாதிகளால் கடத்தப்பட்ட ராணுவ வீரர் குண்டடிப்பட்டு உயிரிழந்த நிலையில் சடலமாக மீட்கப்பட்டுள்ளார்.
இதனை தொடர்ந்து அனந்தநாக் வனப்பகுதியை ஒட்டியுள்ள பகுதிகளில் பாதுகாப்பு நடவடிக்கைகள் தீவிரப்படுத்தப்பட்டுள்ள நிலையில், பாதுகாப்பு படை வீரர்கள் ரோந்து பணியில் ஈடுபட்டுள்ளனர்.
Please follow and like us:
