தட்கல் டிக்கெட் முதல் உறுதிசெய்யப்பட்ட டிக்கெட் வரை, முன்பதிவு அட்டவணைகளின் (சார்ட்) விதிகளும் மாற்றப்பட்டுள்ளன.
காத்திருப்பு டிக்கெட் மற்றும் RAC டிக்கெட்டுகளைக் கொண்டவர்களுக்கு நிவாரணம் அளிக்கும் வகையில் முன்பதிவு அட்டவணையில் ஒரு பெரிய மாற்றத்தை இந்திய ரயில்வே செய்துள்ளது.
ரயில் அட்டவணையின் நேரம் இப்போது 4 மணி நேரத்திலிருந்து 10 மணி நேரமாக அதிகரிக்கப்பட்டுள்ளது. இதன் மூலம், காத்திருப்பு டிக்கெட்டுகளைக் கொண்ட பயணிகள் ரயில் புறப்படுவதற்குப் பல மணி நேரங்களுக்கு முன்பே தங்கள் இருக்கை நிலை குறித்த தகவல்களைப் பெற முடியும். இதனால் ரயில் பயணிகள் அவசரத்தையும் கூட்ட நெரிசலையும் தவிர்க்கலாம். இந்திய ரயில்வே 2025 டிசம்பர் 12 அன்று ரயில் முன்பதிவு அட்டவணைகளின் நேரத்தை மாற்றியது. புதிய விதியின்படி, ரயில் புறப்படுவதற்கு 10 மணி நேரத்திற்கு முன்பாக முன்பதிவு அட்டவணைகள் தயாரிக்கப்படுகின்றன.
இது காத்திருப்பு அல்லது RAC டிக்கெட்டுகளைக் கொண்ட பயணிகள் தங்கள் இருக்கை நிலையை பல மணி நேரங்களுக்கு முன்பே தெரிந்துகொள்ள அனுமதிக்கிறது.
இதற்கு முன்பு ரயில் புறப்படுவதற்கு நான்கு மணி நேரத்திற்கு முன்பாக அட்டவணைகள் தயாரிக்கப்பட்டன. இது காத்திருப்பு டிக்கெட்டுகளைக் கொண்ட பயணிகளுக்கு சிரமத்தை ஏற்படுத்தியது. ரயில் புறப்படுவதற்கு சில மணிநேரங்களுக்கு முன்புதான், தங்களது இருக்கை உறுதிசெய்யப்பட்டதா இல்லையா என்பதை அவர்கள் அறிந்துகொள்வார்கள்.
தொலைதூரப் பகுதிகளில் இருந்து ரயிலைப் பிடிக்கப் பயணம் செய்பவர்கள் பெரும்பாலும் மிகுந்த பதற்றத்தை அனுபவிக்க வேண்டியிருந்தது. ஆனால் இப்போது ரயில் பயணிகள் தங்கள் டிக்கெட் நிலையைச் சரிபார்க்கப் போதுமான நேரம் கிடைக்கும் வகையில் முன்பதிவுப் பட்டியல் நேரத்தை 10 மணி நேரமாக இந்திய ரயில்வே அதிகரித்துள்ளது. முதல் முன்பதிவுப் பட்டியல் 10 மணி நேரத்திற்கு முன்பே வெளியிடப்பட்ட பிறகு, ரயில்வே இரண்டாவது மற்றும் இறுதி முன்பதிவுப் பட்டியலை வெளியிடுகிறது.
ரயில் புறப்படுவதற்கு 30 நிமிடங்களுக்கு முன்பு ரயில்வே இந்த இறுதிப் பட்டியலை வெளியிடும். அதாவது, முதல் முன்பதிவுப் பட்டியலில் உங்கள் காத்திருப்புப் பட்டியல் பயணச்சீட்டு உறுதிசெய்யப்படவில்லை என்றால் நீங்கள் பீதியடையத் தேவையில்லை. ரயில்வேயின் இரண்டாவது (இறுதி) முன்பதிவுப் பட்டியலைப் பயன்படுத்த உங்களுக்கு வாய்ப்பு உள்ளது.
தட்கல் ஒதுக்கீட்டில் உள்ள காலி இடங்கள் RAC மற்றும் காத்திருப்புப் பயணச்சீட்டுகளைக் கொண்ட பயணிகளுக்குக் கிடைக்கும். அவர்களின் பயணச்சீட்டுகள் இறுதிப் பட்டியலில் உறுதிசெய்யப்படலாம். இறுதி முன்பதிவுப் பட்டியல் தயாரிக்கப்படுவதற்கு முன்பு பயணிகள் காலியாக உள்ள இருக்கைகளை முன்பதிவு செய்யலாம். இறுதிப் பட்டியல் தயாரிக்கப்படுவதற்கு முன்பு தட்கல் ஒதுக்கீட்டில் மீதமுள்ள காலி இருக்கைகள் RAC மற்றும் காத்திருப்போர் பட்டியலில் உள்ள பயணிகளுக்கு ஒதுக்கப்படும்.
இறுதிப் பட்டியல் தயாரிக்கப்பட்ட பிறகும் உங்கள் இருக்கை உறுதி செய்யப்படாவிட்டால் உங்கள் ஆன்லைன் டிக்கெட் தானாகவே ரத்து செய்யப்பட்டு ரீஃபண்ட் பணம் உங்கள் கணக்கில் வரவு வைக்கப்படும் என்பது குறிப்பிடத்தக்கது.
