ஹவுதி கிளர்ச்சியாளர்களின் தாக்குதலை எதிர்கொள்ளும் வகையில், மெக்கா பாதுகாப்பு ஒப்பந்தத்தின்கீழ் சவுதி அரேபியாவில் பாகிஸ்தான் தனது ராணுவப் படைகளை குவித்துள்ளது.
சவுதி அரேபியா, பாகிஸ்தான் மற்றும் துருக்கி ஆகிய நாடுகளுக்கு இடையே கூட்டு பாதுகாப்பு ஒப்பந்தம் கையெழுத்தாகியுள்ளது. இதன்படி, ஒரு நாட்டின் மீது தாக்குதல் நடத்தப்பட்டால், அது மூன்று நாடுகள் மீதான தாக்குதலாகக் கருதப்படும் என தெரிவிக்கப்பட்டது.
இந்நிலையில், ஹவுதி கிளர்ச்சியாளர்களால் சவுதியில் அதிகரித்து வரும் பாதுகாப்பு அச்சுறுத்தலுக்கு மத்தியில் மெக்கா ஒப்பந்தம் செயல்பாட்டிற்கு வந்துள்ளது. அந்த வகையில், 15 ஆயிரத்திற்கும் மேற்பட்ட பாகிஸ்தான் ராணுவத்தினர் சவுதியில் குவிக்கப்பட்டுள்ளனர்.
தரைப்படை மட்டுமின்றி, போர் விமானங்கள், வான்பாதுகாப்பு அமைப்புகள், ட்ரோன்கள் மற்றும் கடற்படை வீரர்களும் இந்த நடவடிக்கையில் ஈடுபடுத்தப்பட்டுள்ளனர். கூடுதலாக 25 ஆயிரம் வீரர்களை சவுதிக்கு அனுப்புவது குறித்து பாகிஸ்தான் பரிசீலித்து வருவதாகவும் கூறப்படுகிறது.
