தமிழ் சினிமாவில் முன்னணி நடிகராக திகழ்ந்து கொண்டிருப்பவர் தான் நடிகர் தனுஷ். இவருடைய நடிப்பில் அடுத்ததாக வர இருக்கும் ராயன் திரைப்படத்தை இவரே இயக்கியுள்ளார்.
சன் பிக்சர்ஸ் தயாரிப்பில் உருவாகியுள்ள இந்த திரைப்படத்தில் எஸ் ஜே சூர்யா, பிரகாஷ் ராஜ், காளிதாஸ் ஜெயராம், துஷாரா விஜயன், அபர்ணா பாலமுரளி உள்ளிட்ட பலரும் நடித்துள்ளனர். இந்த நிலையில் சமீபத்தில் நடிகர் தனுஷ் பற்றி பல வதந்திகள் பரவியது.
இந்த விஷயம் பெரும் சர்ச்சையை கிளப்பிய நிலையில் இது குறித்து ராயன் படத்தின் இசை வெளியீட்டு விழாவில் பேசிய தனுஷ், நான் யாருன்னு எனக்கு தெரியும், என் அப்பா அம்மாவுக்கு தெரியும், என் பசங்களுக்கு நன்றாக தெரியும், என் ரசிகர்களுக்கு தெரியும், ஆரம்பத்தில் இருந்தே அதிகமாக பாடி ஷேமிங்கிற்கு ஆளானவன் நான். தேவையில்லாத வதந்திகள், கெட்ட பையன், முதுகில் குத்தும் சம்பவம் என்று பல விஷயங்கள் நடந்திருந்தாலும், இன்றும் நான் எப்படி உங்கள் முன் வந்து நிற்க காரணமே நீங்கதான் என்று பேசி உள்ளார்.
இதன் மூலமாக தன்னை பற்றி உலா வந்த அனைத்து வதந்திகளுக்கும் தனுஷ் முற்றுப்புள்ளி வைத்துள்ளது குறிப்பிடத்தக்கது.
