விருதுநகர் மாவட்டம் அருப்புக்கோட்டை என்னும் பகுதியில் பார்த்திபனூர் சாலை உள்ளது. இங்கு லாரி ஒன்று வைக்கோல் ஏற்றி சென்று கொண்டிருந்தது.
வைக்கோல் அதிகமாக இருந்த நிலையில் அவ்வழியே தாழ்வாக சென்ற மின் வயர் மீது உரசி வைக்கோளில் தீ பற்றியது. இதனால் லாரி முழுவதுமாக சரசரவென தீ பற்றி எறிந்தது . லாரியை ஓட்டி வந்த ஓட்டுநர் அதிர்ஷ்டவசமாக உயிர் தப்பினார். இதனால் அப்பகுதியில் பெரும் பரபரப்பு நிலவியது.
இதைத்தொடர்ந்து அருப்புக்கோட்டை தீயணைப்பு துறையினருக்கு தகவல் அளிக்கப்பட்டது. அந்த தகவலின்படி சம்பவ இடத்திற்கு விரைந்து வந்த தீயணைப்பு துணையினர் தண்ணீரை அடித்து தீயை அணைக்கும் முயற்சியில் ஈடுபட்டு தீயை அணைத்தனர்.
இதில்லாரி முழுவதுமாக எரிந்து சேதமடைந்தது. எரிந்து கிடந்த கழிவுகளை காவல் துறையினர் அப்புறப்படுத்த ஏற்பாடு செய்தனர். மேலும் இச்சம்பவத்தால் அப்பகுதியில் சிறிது நேரம் போக்குவரத்து பாதிக்கப்பட்டது.
