தமிழ்நாட்டில் இன்று காலை முதல் பல்வேறு மாவட்டங்களில் மழை பெய்து வருகிறது. இதன் காரணமாக தற்போது பள்ளிகளுக்கு விடுமுறைகள் வழங்கி மாவட்ட ஆட்சியர்கள் உத்தரவு பிறப்பித்து வருகிறார்கள். அந்த வகையில் திருநெல்வேலி, தூத்துக்குடி ஆகிய மாவட்டங்களில் இன்று காலை முதல் மழை பெய்து வருவதால் தற்போது பள்ளிகளுக்கு மட்டும் விடுமுறை வழங்கி மாவட்ட ஆட்சியர்கள் உத்தரவு பிறப்பித்துள்ளனர்.
இதே போன்று தென்காசி மாவட்டத்திலும் இன்று பள்ளிகளுக்கு மட்டும் விடுமுறை வழங்கப்பட்டுள்ளது. மேலும் காரைக்கால் மாவட்டத்திலும் இன்று பள்ளிகளுக்கு விடுமுறை வழங்கப்பட்டுள்ளது.
ராமநாதபுரம் மாவட்டத்தில் இன்று பள்ளி மற்றும் கல்லூரிகளுக்கு விடுமுறை வழங்கப்பட்டுள்ளது. அதே நேரத்தில் விருதுநகர் மாவட்டத்தில் பள்ளிகளுக்கு விடுமுறை வழங்குவது தொடர்பாக அந்தந்த பள்ளியின் தலைமை ஆசிரியர்களே முடிவெடுக்கலாம் என்று தெரிவிக்கப்பட்டுள்ளது.
