தமிழகத்தில் 10-ம் வகுப்பு மாணவர்களுக்கான பொதுத் தேர்வு கடந்த மார்ச் மாதம் 26 ஆம் தேதி முதல் ஏப்ரல் 8-ம் தேதி வரை நடைபெற்றது.
இந்த பொது தேர்வில் மொத்தம் 91.55 சதவீதம் மாணவ மாணவிகள் தேர்ச்சி பெற்றிருந்தனர். இந்நிலையில் 10-ம் வகுப்பு மாணவர்களுக்கான அசல் மதிப்பெண் சான்றிதழ் இன்று முதல் பள்ளிகளில் வழங்கப்படும் என தற்போது அறிவிக்கப்பட்டுள்ளது.
அதன்படி இன்று காலை 10 மணி முதல் அசல் மதிப்பெண் சான்றிதழ் வழங்கப்பட இருக்கிறது. இதனை சம்பந்தப்பட்ட பள்ளிகளில் மாணவ மாணவிகள் பெற்றுக் கொள்ளலாம். அதன்பிறகு தனித்தேர்வர்கள் தேர்வு எழுதிய மையங்களில் மதிப்பெண் சான்றிதழை பெற்றுக் கொள்ளலாம். மேலும் சமீபத்தில் 12-ம் வகுப்பு மாணவர்களுக்கான அசல் மதிப்பெண் சான்றிதழ் வெளியான நிலையில் தற்போது இதைத் தொடர்ந்து 10-ம் வகுப்பு மாணவர்களுக்கும் இன்று அசல் மதிப்பெண் சான்றிதழ் வழங்கப்பட உள்ளது.
