சென்னையில் ஆபரண தங்கம் விலை கடந்த சில நாட்களாக குறைந்தபடியே இருந்த நிலையில், இன்று (ஆக. 21) அதிரடியாக உயர்ந்துள்ளது. 22 கேரட் ஆபரணத் தங்கத்தின் விலை இன்று சவரனுக்கு ரூ.400 உயர்ந்து ₹73,840 ஆகவும், ஒரு கிராமுக்கு ரூ.50 உயர்ந்து ₹9,230 ஆகவும் விற்பனை செய்யப்படுகிறது.
தங்கம் விலை உயர்வுடன் சமமாகவே, வெள்ளி விலையும் கணிசமாக உயர்ந்துள்ளது. ஒரு கிராம் வெள்ளி ₹1 உயர்ந்து ₹126 ஆகவும், ஒரு கிலோ வெள்ளி ரூ.1,000 உயர்ந்து ₹1,26,000 ஆகவும் விற்பனையாகி வருகிறது.
இந்த விலை மாற்றம், சர்வதேச சந்தையில் ஏற்பட்ட பங்குச் சந்தை அதிர்வுகள், டாலர் மதிப்பு ஏற்ற இறக்கங்கள் மற்றும் பொருளாதார எதிர்பார்ப்புகள் ஆகியவற்றை அடிப்படையாகக் கொண்டே ஏற்பட்டுள்ளதாக நிபுணர்கள் தெரிவிக்கின்றனர். வாடிக்கையாளர்கள் தங்கம் வாங்கும் முன் சந்தை நிலவரத்தை சற்று கவனமாக பின்தொடர அறிவுறுத்தப்படுகிறது.
