சீனாவில் அண்மையில் நடைபெற்ற ஜப்பானிய ஆக்கிரமிப்புக்கு
எதிரான சீன மக்களின் எதிர்ப்புப் போர் மற்றும் உலக பாசிச எதிர்ப்பு போர் வெற்றி பெற்ற
80ஆவது ஆண்டு நினைவு மாநாட்டில், கியூபா அரசுத் தலைவர்
டியாஸ்-கேனல் கலந்து கொண்டு, சீனாவில் பயணம் மேற்கொண்டார்.
இப்பயணத்தின் போது சீன ஊடகக் குழுமத்துக்குச் சிறப்புப் பேட்டியளித்த அவர், ஜப்பானிய ஆக்கிரமிப்பாளர்களுக்கான எதிர்ப்பில் சீன
மக்களின் மாபெரும் உயிரிழப்பையும், உலக பாசிச எதிர்ப்பு
போரில் சீனாவின் முக்கிய பங்குகளையும் இந்த மாநாடு வெளிப்படுத்தியுள்ளது என்றார். மேலும், இம்மாநாட்டின் மூலம், சீனாவின்
இராணுவ ஆற்றல் உலகத்துக்கு எடுத்துக் காட்டப்பட்டுள்ளதோடு,
அறிவியல் மற்றும் தொழில் நுட்பம், இராணுவம்
ஆகிய துறைகளில், சீன ஆயுதப் படைகளின் வளர்ச்சிச் சாதனைகளும்
வெளிப்படுத்தப்பட்டுள்ளன என்றார்.
செப்டம்பர் 4ஆம் நாள் முற்பகல், சீன அரசுத் தலைவர் ஷி ச்சின்பிங், கியூபா அரசுத் தலைவர் டியாஸ்-கேனலுடன் சந்திப்பு
நடத்தினார். இது குறித்து அவர் மேலும் கூறியதாவது, உலகளாவிய
பிரச்சினைகளைச் சமாளிப்பதில் கியூபாவும் சீனாவும் ஒத்தக் கருத்துகளைக் கொண்டுள்ளன
எனக் கூறினார். மேலும், கடந்த சில ஆண்டுகளாக, இரு
தரப்புறவின் மேம்பாடு, குறிப்பாக, பொருளாதாரம், சமூகம், வர்த்தகம் ஆகிய துறைகளில் இரு தரப்பு ஒத்துழைப்புகளை
வலுப்படுத்துவது குறித்து இரு தரப்பும் பல ஒத்துழைப்புத் திட்டப்பணிகளை உருவாக்கியுள்ளதாகத்
தெரிவித்த அவர், கியூபாவின் 2030ஆம் ஆண்டு பொருளாதாரம் மற்றும் சமூக வளர்ச்சித் திட்டம், சீனாவின் ஆதரவுடன் சீராக முன்னேற்றப்படும் என்பதில்
ஐயமில்லை என்றும் கூறினார்.
