கடந்த அக்டோபரில் $1,26,000 என்ற உச்சத்தைத் தொட்ட உலகின் மிகப்பெரிய கிரிப்டோகரன்சியான பிட்காயின் (Bitcoin), ஆறு மாதங்களில் இல்லாத அளவுக்குக் கடும் சரிவைச் சந்தித்துள்ளது.
அமெரிக்க மத்திய வங்கியின் (US Federal Reserve) வட்டி விகிதக் குறைப்பு குறித்த நம்பிக்கைகள் மங்கியதன் காரணமாக, பிட்காயின் மதிப்பு $93,000 ஆகக் குறைந்துள்ளதாகக் கூறப்படுகிறது.
கடந்த ஒரு வாரத்தில் மட்டும் பிட்காயின் 10% க்கும் அதிகமாகச் சரிந்துள்ளது. இது தொடர்ச்சியாக மூன்றாவது வார வீழ்ச்சியைக் குறிக்கிறது.
இந்தச் சரிவால், நடப்பாண்டின் முற்பகுதியில் பிட்காயின் ஈட்டிய ஆதாயங்களில் 30% க்கும் அதிகமானவை காணாமல் போயுள்ளன.
பிட்காயின் மட்டுமல்லாமல், எத்தேரியம், XRP, சோலானா மற்றும் பிற முக்கிய ஆல்ட்காயின்களும் விலைச் சரிவைக் கண்டுள்ளன.
