திரையுலகின் உச்ச நட்சத்திரமான நடிகர் விஜய், ‘தமிழக வெற்றி கழகம்’ (தவெக) என்ற புதிய அரசியல் கட்சியைத் தொடங்கி, முதல்முறையாகத் தமிழக சட்டமன்றத் தேர்தலில் போட்டியிட்டுள்ளார்.
இதனால், இந்தப் புதிய வரவு தமிழக அரசியலில் எந்த மாதிரியான தாக்கத்தை ஏற்படுத்தும் என்ற எதிர்பார்ப்பு உச்சத்தை எட்டியுள்ளது.
குறிப்பாக, பாரம்பரியமிக்க திராவிட கட்சிகளுக்குப் போட்டியாக விஜய் களம் கண்டுள்ளதால், அவர் எந்தெந்த தொகுதிகளில் முன்னிலை பெறுவார் என்பதை அறிய ஒட்டுமொத்த தமிழகமும் ஆவலோடு காத்திருக்கிறது.
இந்தத் தேர்தலில் விஜய்யின் வெற்றி வாய்ப்புக்கு மிக முக்கியத் தூணாகக் கருதப்படுவது இளைஞர்கள் மற்றும் முதல்முறை வாக்காளர்களின் ஆதரவுதான். “மாற்றம் வேண்டும்” என நினைக்கும் இளைய தலைமுறையினர் விஜய்யின் பக்கம் சாய்ந்துள்ளனரா என்பது இன்றைய வாக்கு எண்ணிக்கையில் தெளிவாகத் தெரிந்துவிடும்.
தவெக-வின் வரவு தேர்தல் களத்தில் ஒரு ‘ப்ளாக் பஸ்டர்’ ட்விஸ்ட்டை ஏற்படுத்துமா அல்லது மற்ற கட்சிகளின் வாக்குகளைப் பிரிக்குமா என்பது குறித்த அதிகாரப்பூர்வ முன்னிலை நிலவரங்கள் இன்று மதியத்திற்குள் ஒவ்வொன்றாக வெளியாகவுள்ளன.
