உலக புகழ் பெற்ற மதுரை மீனாட்சியம்மன் கோயில் சித்திரை திருவிழாவின் ஆறாம் நாள் விழா கோலாகலமாகக் கொண்டாடப்பட்டது.
சித்திரை திருவிழா கடந்த 12-ம் தேதி கொடியேற்றத்துடன் நடைபெற்றது. இந்நிலையில், மதுரை மீனாட்சி அம்மன் கோயில் சித்திரைத் திருவிழாவின் ஆறாம் நாள் நிகழ்ச்சி நடைபெற்றது. இதில், சுவாமியும், அம்மனும், தங்கம் மற்றும் வெள்ளி ரிஷப வாகனத்தில் எழுந்தருளி பக்தர்களுக்கு அருள் பாலித்தனர். சுவாமியும், அம்மனும் தங்க சப்பரத்தில் புறப்பட்டு நான்கு மாசி வீதிகளில் திருவீதி உலாவும் நடைபெற்றது.
இதில் ஏராளமான பக்தர்கள் கலந்து கொண்டு சாமி தரிசனம் செய்தனர். சித்திரை திருவிழாவின் முக்கிய நிகழ்வான மீனாட்சி திருக்கல்யாணம் வரும் 21 -ம் தேதியும், வைகையில் அழகர் இறங்கும் வைபவம் வரும் 23-ம் தேதியும் நடைபெற உள்ளது.
Please follow and like us:
