தலைமுறைகளைத் தாண்டி சிந்திக்கும் கட்டமைப்பு, நல்வாழ்வு மற்றும் எதிர்காலம் நிலைத்த ஆரோக்கியம் மற்றும் நல்வாழ்வுக்கான இரண்டாவது உலக உச்சி மாநாடு 2026-ல் உரையாற்றிய டாக்டர் சதீஷ் குமார் சந்தானம், தாங்குதிறன், நிலைத்த வளர்ச்சி மற்றும் மனித நல்வாழ்வு குறித்து தமிழின் தொன்மையான சிந்தனைகளை உலக அரங்கில் முன்வைத்தார்.
“From Our Roots to Our Future: Building for Generations” என்ற தலைப்பிலான தனது உரையில், வீடுகளும் சமூகங்களும் வெறும் கட்டிடங்களாக அல்லாமல், நீண்ட, ஆரோக்கியமான மற்றும் பாதுகாப்பான வாழ்வை ஆதரிக்கும் சூழல்களாக உருவாக வேண்டும் என்று அவர் வலியுறுத்தினார்.
உரையில் ஒலித்த முக்கிய சிந்தனைகள்
- கல்லணை — தலைமுறைகளை நினைத்த தொலைநோக்கு
பொதுநலனை மையமாகக் கொண்டு, காலத்தைத் தாண்டி சேவை செய்யும் பொறியியல் சிந்தனையின் நிலைத்த சான்று. - பிரகதீஸ்வரர் ஆலயம் — காலத்தை வென்ற துல்லியம்
அறிவியல் அறிவு, பொறியியல் நுணுக்கம் மற்றும் நிலைத்த கட்டிடக் கலை ஒருங்கிணைந்த தமிழர் மரபின் பெருமை. - “யாதும் ஊரே; யாவரும் கேளிர்” — உலகை இணைக்கும் தமிழ் சிந்தனை
இந்தியாவின் முன்னாள் குடியரசுத் தலைவர் டாக்டர் ஏ.பி.ஜே. அப்துல் கலாம், 2007-ஆம் ஆண்டு ஐரோப்பிய பாராளுமன்ற உரையில் மேற்கோள் கொண்ட கணியன் பூங்குன்றனாரின் இந்த வரிகளை, டாக்டர் சதீஷ் குமார் சந்தானமும் தனது உரையில் மீண்டும் ஒலிக்கச் செய்தார்.
எதிர்கால சமூகங்கள் நீர் பாதுகாப்பு, தூய்மையான ஆற்றல், உணவுப் பாதுகாப்பு, தொழில்நுட்பம், இயற்கை, அனைவருக்கும் எட்டக்கூடிய வாழ்க்கை மற்றும் மனித இணைப்பு ஆகியவற்றை ஒருங்கிணைக்க வேண்டும் என்றும் அவர் குறிப்பிட்டார்.
DAC Developers நிறுவனத்தின் நிறுவனர் மற்றும் நிர்வாக இயக்குநரான டாக்டர் சதீஷ் குமார் சந்தானம், தாங்குதிறன் மிக்க, அனைவரையும் உள்ளடக்கும் வாழ்விட மாதிரிகள் சமூகத்தை வலுப்படுத்தி, நாட்டின் நீண்டகால முன்னேற்றத்திற்கு பங்களிக்க வேண்டும் என்ற தொலைநோக்கை முன்வைத்தார்.
பாரம்பரியத்தில் வேரூன்றி. தலைமுறைகளுக்காக உருவாக்குவோம்.
