தமிழ் திரைப்பட இசையுலகில் ‘தேனிசைத் தென்றல்’ என்று ரசிகர்களால் அன்போடு அழைக்கப்படும் பிரபல இசையமைப்பாளர் தேவா, தனது ஆரம்பகாலத் திரையுலகப் பயணத்தில் சந்தித்த கொடூரமான அனுபவங்கள் மற்றும் ஏமாற்றங்கள் குறித்த பழைய நேர்காணல் தகவல் தற்போது சமூக வலைதளங்களில் வைரலாகி வருகிறது. ‘பாடும் பறவைகள்’ என்ற திரைப்படத்திற்கு இசையமைக்க வாய்ப்பு கிடைத்தபோது, முதல் நாளிலேயே டி.எம்.செளந்தரராஜன் மற்றும் எஸ்.ஜானகி போன்ற மாபெரும் பாடகர்களை வைத்து இரண்டு பாடல்கள் வெற்றிகரமாகப் பதிவு செய்யப்பட்டதாக அவர் குறிப்பிட்டுள்ளார்.
பாடல்கள் பதிவு செய்யப்பட்டு முடித்தவுடன், கூட வந்த ஆர்க்கெஸ்ட்ரா இசைக்கலைஞர்களுக்குக் கொடுக்க வேண்டிய பணத்திற்காகத் தயாரிப்பாளர்களைத் தேடியபோதுதான் அந்த அதிர்ச்சி சம்பவம் நிகழ்ந்துள்ளது. தயாரிப்பாளர்கள் தங்களுக்குத் தெரியாமல் கிளம்பிச் சென்று நீண்ட நேரமாகிவிட்டது என்ற தகவலைக் கேட்டதும், தேவாவும் அவரது நான்கு தம்பிகளும் அங்கேயே கதறி அழுதுள்ளனர். கைச்செலவுக்குக் கூடப் பணம் இல்லாத சூழலில், வேறு வழியின்றி கோடம்பாக்கத்திலிருந்து மயிலாப்பூர் வரை நடந்தே செல்ல வேண்டிய கட்டாயத்திற்கு அவர்கள் தள்ளப்பட்டுள்ளனர்.
தனக்கு ஏற்பட்ட இந்த கசப்பான அனுபவமும் வறுமையின் கொடுமையும் தன் எதிரிக்குக் கூட வரக்கூடாது என்று மேல்மருவத்தூர் ஆதிபராசக்தி தெய்வத்திடம் வேண்டி அழுததாக தேவா மனமுருகித் தெரிவித்துள்ளார். இத்தகைய கடுமையான போராட்டங்கள், ஏமாற்றங்கள் மற்றும் வறுமையின் சோதனைகளைக் கடந்துதான், பின்னாளில் தமிழ் சினிமாவின் முன்னணி இசையமைப்பாளராக உருவெடுத்துத் தன் தனித்துவமான கானா மற்றும் மெலடி பாடல்களால் கோடிக்கணக்கான ரசிகர்களின் இதயங்களைக் வென்றார் என்பது குறிப்பிடத்தக்கது
இத்தகைய கடுமையான போராட்டங்கள், ஏமாற்றங்கள் மற்றும் வறுமையின் சோதனைகளைக் கடந்துதான், பின்னாளில் தமிழ் சினிமாவின் முன்னணி இசையமைப்பாளராக உருவெடுத்துத் தன் தனித்துவமான கானா மற்றும் மெலடி பாடல்களால் கோடிக்கணக்கான ரசிகர்களின் இதயங்களைக் வென்றார் என்பது குறிப்பிடத்தக்கது.
