Web team
கவியரசர் பாரதியார் நினைவுநாள் 11.9.2024
கவிஞர் இரா .இரவி
எட்டையபுரத்தில் பிறந்து
எட்டாத உயரம் சென்றவன்
மகாகவி !
திருவல்லிக் கேணியில்
வாழ்ந்த தமிழ்க் கேணி
மகாகவி !
கவிதை கதை கட்டுரை வடித்த
சகலகலா வல்லவன்
மகாகவி !
கற்கண்டுக் கவிதைகள் படைத்த
கவிதைக் குன்று
மகாகவி !
சிட்டுக்குருவிகளை நேசித்த
பறவைகளின் நேசன்
மகாகவி !
தமிழுக்கு வளம் சேர்த்தவன்
தமிழென என்றும் நிலைத்தவன்
மகாகவி !
மூடநம்பிக்கைகளை
முற்றாக வெறுத்தவன்
மகாகவி !
தாழ்த்தப்பட்ட சகோதரனுக்கு
பூணூல் அணிவித்தப் புனிதன்
மகாகவி !
சாதி வேற்றுமைகளுக்கு
சாவு மணி அடித்தவன்
மகாகவி !
அக்கிரகாரத்தில் பிறந்த
அதிசிய மாமனிதன்
மகாகவி !
பாட்டால் கோட்டைக் கட்டி
பரங்கியரின் கொட்டம் அடக்கியவன்
மகாகவி !
முறுக்கு மீசைக்காரன்
முத்தமிழுக்குச் சொந்தக்காரன்
மகாகவி !
சரித்திரம் படைத்த
சகலகலா வல்லவன்
மகாகவி !
நூற்றாண்டு கடந்து வாழும்
கற்கண்டு கவிதைக் குன்று
மகாகவி !
பெண்கள் விடுதலைக்கு
வித்திட்ட முதல்ப் பாவலன்
மகாகவி !
சேதுபதி பள்ளியில் பணியாற்றி
மதுரைக்குப் புகழ் சேர்த்தவன்
மகாகவி !
வயிற்றை விட இதயத்தை
பெரிதாய் மதித்தவன்
மகாகவி !
சமரசம் செய்து கொள்ளாத
தன்மானச் சிங்கம்
மகாகவி !
உடலால் மறைந்தாலும்
பாடலால் என்றும் வாழ்பவன்
மகாகவி !
