தமிழ்நாட்டின் அண்டை மாநிலங்களான கேரளா, ஆந்திரா மற்றும் தெலுங்கானா ஆகியவற்றில் பருவமழை தீவிரத்தால் கனமழை பெய்து வெள்ளப்பெருக்கு ஏற்பட்டு வருகிறது.
ஆனால் தமிழகத்தை பொறுத்தவரை கோடைக்காலம் முடிந்தும் வெயில் வாட்டி வதைத்து வருகிறது. உச்சபட்சமாக இன்று மதுரை, தொண்டி உள்ளிட்ட தமிழகத்தின் 7 மாவட்டங்களில் வெயில் சதமடித்துள்ளது.
மேலும் 2 வாரங்களுக்கு வெயில் சுட்டெரிக்கலாம் என வானிலை ஆய்வு மையம் கணித்துள்ளது.
எனினும் ஆறுதல் தரும் விஷயமாக அடுத்த 3 மணி நேரத்தில் கோவை, தென்காசி, நீலகிரி, திருப்பூர், தேனி, திண்டுக்கல், திருநெல்வேலி, தூத்துக்குடி, கன்னியாகுமரி ஆகிய மாவட்டங்களில் இடி, மின்னலுடன் கூடிய லேசானது முதல் மிதமான மழைக்கு வாய்ப்பு என்று சென்னை வானிலை ஆய்வு மையம் தகவல் தெரிவித்துள்ளது.
