தமிழ்நாடு அரசு பணியாளர் தேர்வாணையம் என்பது தமிழக அரசு தகுந்த போட்டிகள் மூலம் பணியாளர்களை தேர்வு செய்ய ஏற்படுத்தப்பட்ட ஒரு மிகப்பெரிய அமைப்பாகும்.
இந்தத் தேர்வாணையத்தின் கீழ் ஒவ்வொரு பதவிக்கும் குரூப்-1, குரூப் 2, குரூப் 2A, குரூப் 4, குரூப் 5 என பல்வேறு தேர்வுகள் உள்ளன. இதுவரை இந்த தேர்வாணையத்தின் கீழ் நடத்தப்படும் தேர்வு முடிவுகள் தேர்வு அறிவிப்புகள் போன்றவை இந்த தேர்வாணையத்தின் அதிகாரப்பூர்வ இணையதளம் https://www.tnpsc.gov.in மூலம் வெளியிடப்பட்டது.
தற்போது தமிழ்நாடு அரசு தேர்வாணையம் தேர்வர்களுக்கு பயனுள்ள முறையில் டெலிகிராமில் தங்களது புதிய அதிகாரப்பூர்வ பக்கத்தை தொடங்கியுள்ளது.
இதில் தேர்வுகள் குறித்த அறிவிப்புகள், தேர்வு முடிவுகள் போன்றவை உடனுக்குடன் தெரிந்து கொள்ளும் வகையில் உருவாக்கப்பட்டது.
இந்த டெலிகிராம் குரூப்பில் தேர்வர்கள் தங்களை இணைத்துக் கொள்ள செய்ய வேண்டிய வழிமுறைகள் பின்வருமாறு, டி என் பி எஸ் சி யின் அதிகாரப்பூர்வ எக்ஸ் தளம் பக்கத்திற்கு https://x.com/TNPSC-Office சென்று அதில் கொடுக்கப்பட்டுள்ள கியூ. ஆர் (QR) கோடை ஸ்கேன் செய்ய வேண்டும்.
இதனை ஸ்கேன் செய்தால் நேரடியாக டிஎன்பிசி அதிகாரப்பூர்வ டெலிகிராம் பக்கத்திற்கு சென்று விடும். பின்னர் தேர்வர்கள் தங்களை இணைத்துக் கொள்ள வேண்டும். இவ்வாறு தமிழ்நாடு அரசு பணியாளர்கள் தேர்வாணையம் தெரிவித்துள்ளது.
