சென்னை : சிவகார்த்திகேயன் நடிப்பில் வெளியாகியுள்ள அமரன் படம் மக்களுக்கு மத்தியில் பலத்த வரவேற்பை பெற்று வருகிறது. எங்கு பார்த்தாலும் மின்னலே மின்னலே என ஸ்டேட்டஸ் வைத்துக்கொண்டு படம் பற்றி முணுமுணுத்துக்கொண்டு வருகிறார்கள்.
வசூலில் சாதனை
அமரன் திரைப்படம் உலகம் முழுவதும் 300 கோடி வசூல் செய்து வெற்றிகரமாக இன்னும் பல திரையரங்குகளில் ஓடிக்கொண்டு இருக்கும் நிலையில், சிவகார்த்திகேயனுக்கு பெரிய சாதனை ஒன்றையும் படைத்தது கொடுத்துள்ளது. அது என்ன சாதனை என்றால் சிவகார்த்திகேயன் சினிமா கேரியரில் அதிகம் வசூல் செய்த படம் என்றால் டான் படம் தான் 120 கோடிகள் வரை வசூல் செய்து அதிகம் வசூல் கொடுத்த படமாக இருந்தது. அந்த வசூல் சாதனையை முறியடித்து அமரன் புதிய சாதனையையும் படைத்துள்ளது.
ஓடிடியில் சாதனை
300 கோடி வசூல் செய்து சிவகார்த்திகேயனுக்கு பெரிய சாதனை கொடுத்த அமரன் படம் ஓடிடியிலும் பிரமாண்ட சாதனையை படைத்துள்ளது. அது என்ன சாதனை என்றால் அதிக தொகைக்கு விற்பனையான படம் என்ற சாதனையை தான். அதன்படி, படத்தினை பிரபல ஓடிடி நிறுவனமான நெட்ப்ளிஸ்க்ஸ் நிறுவனம் 60 கோடி ரூபாய் கொடுத்து வாங்கியுள்ளதாக தகவல்கள் வெளியாகியுள்ளது.
முன்னதாக மாவீரன் படம் 33 கோடிக்கு விற்பனை செய்யப்பட்டிருந்த நிலையில், அந்த படம் தான் அதிக தொகைக்கு விற்பனை செய்யப்பட்ட படம் என்ற சாதனையை படைத்தது வந்து இருந்தது. இப்போது அந்த சாதனையையும் அமரன் முறியடித்து சிவகார்த்திகேயன் திரைப்பயணத்தில் பெரிய திருப்புமுனையையும் ஏற்படுத்தியுள்ளது.
எப்போது ஓடிடி ரிலீஸ்?
அமரன் படம் திரையரங்குகளில் வெற்றிகரமாக ஓடிக்கொண்டு இருப்பதால் வரும் டிசம்பர் 5-ஆம் தேதி நெட்ப்ளிக்ஸ் ஓடிடி தளத்தில் வெளியாகவுள்ளதாக தகவல்கள் வெளியாகி இருக்கிறது என்பது குறிப்பிடத்தக்கது. விரைவில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
