அமெரிக்காவில் இருந்து சட்டவிரோதமாக குடியேறியவர்கள் “மனிதாபிமானமற்ற முறையில்” நாடு கடத்தப்பட்டது குறித்து நாடாளுமன்றத்தில் எதிர்க்கட்சிகள் கடும் எதிர்ப்பு தெரிவித்த நிலையில், வெளியுறவுத்துறை அமைச்சர் அதற்கு விளக்கம் அளித்துள்ளார்.
இது குறித்து மாநிலங்களவையில் உரையாற்றிய அமைச்சர் எஸ். ஜெய்சங்கர், கட்டுப்பாடுகளைப் பயன்படுத்துவது அமெரிக்காவின் நிலையான செயல்பாட்டு நடைமுறையின் (SOP) ஒரு பகுதியாகும் என்று தெரிவித்தார்.
காங்கிரஸின் கே.சி. வேணுகோபால் உட்பட பல எதிர்க்கட்சி எம்.பி.க்கள், நாடுகடத்தப்பட்ட இந்தியர்களின் அவல நிலையை எடுத்துக்காட்ட “கைவிலங்கு” அணிந்து நாடாளுமன்ற வளாகத்தில் போராட்டம் நடத்தினர்.
மாநிலங்களவையில் பேசிய ஜெய்சங்கர், நாடுகடத்தப்பட்டவர்கள் எந்த வகையிலும் தவறாக நடத்தப்படாமல் இருப்பதை உறுதி செய்வதற்காக டொனால்ட் டிரம்ப் நிர்வாகத்துடன் இந்தியா இணைந்து செயல்படுவதாக எதிர்க்கட்சிகளுக்கு உறுதியளித்தார்.
