அமெரிக்காவில் தான் ஆங்கிலத்தை முதன்மையாக கொண்டு பேசுபவர்கள் அதிகமாக வாழ்ந்து வருகின்றனர். அங்கு அவர்கள் பேசும் ஆங்கில மொழி அமெரிக்க மொழி என்று கூறுகின்றனர். ஆரம்பத்தில் இங்கிலாந்திலும், அமெரிக்க குடியேற்ற பகுதியிலும் ஒரே மாதிரியான ஆங்கில மொழி தான் பேசப்பட்டது என்று கூறப்படுகிறது. காலப்போக்கில் ஆங்கில ஒழிப்பு முறை மற்றும் எழுத்தில் மாற்றம் ஏற்பட்டது. இந்நிலையில் அந்நாட்டின் அதிகாரப்பூர்வ ஆட்சி மொழியாக ஆங்கிலத்தை மாற்றும் உத்தரவில் ஜனாதிபதி டொனால்ட் டிரம்ப் கையெழுத்திட்டுள்ளார்.
பெடரல் அரசு நிர்வாகம் மற்றும் அரசிடம் நிதி பெரும் அமைப்புகள் பிறமொழி பேசுபவர்களுக்கு உரிய மொழிபெயர்ப்பு உதவிகளை வழங்க வேண்டும் என்று 90களில் அதிபர் கிளிண்டன் உத்தரவு பிறப்பித்து இருந்தார். அது தற்போது நீக்கப்படுகிறது.
இனி மொழிபெயர்ப்பு உதவி வழங்குவது அந்தந்த அமைப்புகள் முடிவுக்கு உட்படுத்தப்பட்டது. அமெரிக்காவில் 350-க்கும் மேற்பட்ட மொழிகள் பேசப்படுகின்றன. ஆனாலும் வெள்ளைமாளிகையில் தற்போது வரை ஆங்கிலம் மட்டுமே பேசப்பட்டு வருகிறது என்பது குறிப்பிடத்தக்கது.
