யுன்னான் பல்கலைக்கழகம் நிறுவப்பட்ட 100வது ஆண்டு நிறைவுக்கு வாழ்த்துவதற்காக சீனக் கம்யூனிஸ்ட் கட்சி மத்தியக் கமிட்டியின் பொதுச் செயலாளரும் அரசுத் தலைவரும் மத்திய ராணுவ ஆணையத்தின் தலைவருமான ஷிச்சின்பிங் 20ஆம் நாள் வாழ்த்துக் கடிதம் அனுப்பினார்.
கடந்த 100 ஆண்டுகளில் யுன்னான் பல்கலைக்கழகம் ஏராளமான சிறந்த திறமைசாலிகளைப் பயிற்றுவித்துள்ளது. மேலும் தேசிய ஒற்றுமையையும் முன்னேற்றங்களையும் மேம்படுத்துவதற்கும் பிராந்திய பொருளாதார மற்றும் சமூக வளர்ச்சிக்குச் சேவை செய்வதற்கும் ஆக்கப்பூர்வமாகப் பங்காற்றியுள்ளது என்று இக்கடிதத்தில் ஷிச்சின்பிங் கூறினார். யுன்னான் பல்கலைக்கழகம், சீனாவின் மேற்கு எல்லையில் மிக முன்னதாக நிறுவப்பட்ட ஒட்டுமொத்த பல்கலைக்கழகங்களில் ஒன்றாகும். கடந்த 100 ஆண்டுகளில் இதில் பல்வேறு துறைகளைச் சேர்ந்த 3 இலட்சத்துக்கும் மேற்பட்ட திறமைசாலிகள் பயிற்றுவிக்கப்பட்டுள்ளனர்.
