தமிழ்நாடு அரசு தேர்வாணையம் அதாவது டிஎன்பிஎஸ்சி மூலமாக போட்டி தேர்வுகள் நடத்தப்படுகிறது. சமீபத்தில் குரூப் 2 போட்டி தேர்வுகள் நடந்து முடிந்தது. இந்த தேர்வினை லட்சக்கணக்கானோர் எழுதினார். இந்நிலையில் போட்டி தேர்வுக்கு படிப்பவர்களுக்காக தமிழ்நாடு அரசு இலவச பயிற்சி வகுப்புகளை நடத்துவதாக சமீபத்தில் அறிவித்தது. அந்த வகையில் டிஎன்பிஎஸ்சி போட்டி தேர்வுகளுக்கான இலவச பயிற்சி வகுப்புகள் இன்று முதல் தொடங்க உள்ளது.
இது தொடர்பாக தமிழ்நாடு அரசு வெளியிட்டுள்ள அறிவிப்பில், இன்று முதல் தமிழ்நாடு அரசின் கல்வி தொலைக்காட்சியில் இலவச பயிற்சி வகுப்புகள் நடத்தப்படும். இந்த பயிற்சி வகுப்புகள் காலை 7:00 மணி முதல் 9:00 மணி வரை நடைபெறும். அதன் பிறகு மறு ஒளிபரப்பு இரவு 7:00 மணி முதல் ஒன்பது மணி வரை ஒளிபரப்பாகும் என்று தெரிவிக்கப்பட்டுள்ளது. மேலும் இந்த இலவச பயிற்சி வகுப்புகளை போட்டி தேர்வுக்கு படிப்பவர்கள் பயன்படுத்திக் கொள்ளுமாறு கேட்டுக் கொள்ளப்படுகிறார்கள்
