தமிழகத்தில் 12,000 பகுதி நேர ஆசிரியர்கள் கடந்த செப்டம்பர் மாத சம்பளம் பெறாத நிலையில், அவர்கள் சம்பளத்தை வழங்க வேண்டும் என தமிழக முதல்வர் மு.க. ஸ்டாலினிடம் கோரிக்கை வைத்துள்ளனர்.
13 ஆண்டுகளாக மத்திய அரசின் சமக்ர சிக்சா திட்டத்தின் கீழ் பணியாற்றி வரும் இவர்கள், தற்போது 12,500 ரூபாய் தொகுப்பூதியமாக சம்பளம் பெறுகின்றனர். ஆனால், கடந்த மாதம் சம்பளம் வழங்கப்படாமலே உள்ளதால், குடும்ப செலவுகளை நடத்த முடியாமல் தவிக்கின்றனர்.
எனவே மத்திய அரசை எதிர்பார்க்காமல் தமிழ்நாடு அரசு சம்பளம் வழங்க வேண்டும் என பல்வேறு அரசியல் தலைவர்கள் மற்றும் முன்னாள் முதலமைச்சர்கள், அடிப்படையில் வேண்டுகோள் விடுத்துள்ளனர். இதுவரை 3,000 ஆசிரியர் பயிற்றுனர்கள், 2,000 சிறப்பு பயிற்றுனர்கள், மற்றும் பல தற்காலிக பணியாளர்களுக்கும் சம்பளம் வழங்கப்படவில்லை.
இந்த சம்பளத் தாமதம் குடும்பங்களில் சுமையை அதிகரிக்கின்றது. அனைத்து பகுதி நேர ஆசிரியர்களின் பணிகளை நிரந்தரமாக்க வேண்டும் எனக் கூறி அதற்கான நடவடிக்கைகளை எடுக்க வேண்டும் என திமுக தேர்தல் வாக்குறுதியை மக்கள் நினைவு கூர்கின்றனர்.
அந்த வகையில், வருகிற 8-ஆம் தேதி நடைபெறும் அமைச்சரவை கூட்டத்தில், சம்பள விஷயத்திலும் ஆசிரியர்களின் நிரந்தரப் பணியிடங்கள் குறித்து தீர்வு காண வேண்டும் என்று ஆசிரியர்களின் ஒருங்கிணைப்பாளர் செந்தில் குமார் தெரிவித்துள்ளார். அவர்களின் குடும்பங்கள், முதல்வரின் நடவடிக்கைகளை எதிர்பார்த்து காத்திருப்பதாகவும் கூறியுள்ளார்.
