தமிழ் சினிமாவில் முன்னணி ஹீரோவாக இருப்பவர் சிலம்பரசன்.
இவர் நடிப்பில் கடைசியாக வெளிவந்த வெந்து தணிந்தது காடு, பத்து தல உள்ளிட்ட திரைப்படங்களில் நடித்துள்ளார். இதனிடையே, 40 வயது ஆகியும் நடிகர் சிம்பு திருமணம் செய்யாமல் சிங்கிளாகவே உள்ளார். சினிமாவில் நுழைந்து நல்ல நல்ல படங்கள் நடித்துவந்த இவர் இடையில் ஏகப்பட்ட சர்ச்சைகளில் சிக்கினார். இதனால், சரியாக படங்கள் நடிக்காமல் இருந்தார். இப்போது, தான் மீண்டும் உடல் எடையை எல்லாம் குறைத்து அடுத்தடுத்து படங்கள் நடித்து வருகிறார்.
இந்நிலையில் சிம்பு நடிப்பில் வெளியான பத்து தல திரைப்படத்தின் உதவி இயக்குனர் சரவணன் திடீரென மரணமடைந்துள்ளார். இந்த செய்தி ஒட்டுமொத்த திரையுலகினரையும் அதிர்ச்சியில் ஆழ்த்தியுள்ளது. கடந்த சில நாட்களாகவே உடல்நல குறைவால் மருத்துவமனையில் அனுமதிக்கப்பட்டு சிகிச்சை எடுத்து வந்த சரவணனுக்கு நடிகர் சிம்பு கூட பண உதவிகள் செய்தார். ஆனால், எந்த உதவியும் உதவி இயக்குநர் சரவணனை காப்பாற்றவில்லை. இதனிடையே சிகிச்சை பலனின்றி அவர் திடீரென மரணம் அடைந்துள்ளார்.
இதையடுத்து சரவணனின் மறைவு குறித்து பத்து தல படத்தின் இயக்குனர் ஒபெலி. என். கிருஷ்ணா தனது ட்விட்டர் பக்கத்தில், Goodbye சரவணா என்ன சொல்வதென்றே தெரியவில்லை. ஆழ்ந்த இரங்கல் என பதிவிட்டுள்ளார். இதையடுத்து மறைந்த உதவி இயக்குனர் சரவணனின் உடலுக்கு சிம்பு ரசிகர்கள் மற்றும் சினிமா பிரபலங்கள் அனைவரும் தங்களது இரங்கல் தெரிவித்து வருகின்றனர்.
