நடிகர் விஜய்யின் கடைசி படமாகக் கருதப்படும் எச். வினோத் இயக்கத்தில் உருவாகியுள்ள ‘ஜனநாயகன்’ திரைப்படத்தின் முதல் பாடலான ‘தளபதி கச்சேரி’ சமீபத்தில் வெளியாகி ரசிகர்களின் கவனத்தை ஈர்த்துள்ளது.
இந்தப் பாடல் பிரபல தெலுங்குப் படப் பாடலின் சாயலை கொண்டிருப்பதும், அதில் மேற்கொள்ளப்பட்ட மாற்றங்களும் அரசியல் ரீதியாக கவனத்தைப் பெற்றுள்ளன.
‘ஜனநாயகன்’ திரைப்படத்தின் மையக் கதைக்களம், தெலுங்கில் பாலகிருஷ்ணா நடிப்பில் வெளியான ‘பகவந்த் கேசரி’ படத்தின் கதையைத் தழுவியது என்று ஏற்கனவே பேசப்பட்டு வருகிறது.
தற்போது வெளியான ‘தளபதி கச்சேரி’ பாடலின் காட்சியமைப்புகள், ‘பகவந்த் கேசரி’ படத்தில் இடம்பெற்ற ‘கணேஷ் ஆந்தம்’ பாடலை போலவே வடிவமைக்கப்பட்டுள்ளதாக ரசிகர்கள் சுட்டிக்காட்டியுள்ளனர்.
‘ஜனநாயகன்’ திரைப்படம் 2026ஆம் ஆண்டு ஜனவரி 9ஆம் தேதி திரையரங்குகளில் வெளியாக உள்ளது.
