மலேசிய ஓபன் 2026 பேட்மிண்டன் தொடரில், இந்தியாவின் நட்சத்திர வீராங்கனை பிவி சிந்து மிகச்சிறந்த ஆட்டத்தை வெளிப்படுத்தி வந்தார்.
காலிறுதி வரை தனது அனுபவ ஆட்டத்தால் எதிராளிகளை வீழ்த்திய அவர், அரையிறுதிக்கு முன்னேறி இந்திய ரசிகர்களிடையே பெரும் எதிர்பார்ப்பை ஏற்படுத்தினார்.
நீண்ட நாட்களுக்குப் பிறகு ஒரு பெரிய தொடரின் இறுதிப் போட்டிக்கு சிந்து முன்னேறுவார் என எதிர்பார்க்கப்பட்ட நிலையில், அரையிறுதி ஆட்டம் அவருக்கு சவாலாக அமைந்தது.
அரையிறுதிப் போட்டியில் உலகின் இரண்டாம் நிலை வீராங்கனையான சீனாவின் வாங் ஜி யி உடன் சிந்து மோதினார்.
ஆட்டத்தின் தொடக்கத்திலிருந்தே வாங் ஜி யி தனது வேகமான நகர்வுகள் மற்றும் துல்லியமான ஸ்மாஷ்கள் மூலம் சிந்துவிற்கு முட்டுக்கட்டை போட்டார்.
