சீனச் சுங்கத் துறை தலைமைப் பணியத்தைச் சேர்ந்த குவாங்தோங் கிளை வாரியம் வெளியிட்ட தரவுகளின்படி, இவ்வாண்டின் முதல் 10 மாதங்களில், குவாங்தொங்-ஹாங்காங்-மக்கௌ பெரிய விரிகுடா பிரதேசத்தைச் சேர்ந்த 9 பெருநிலப் பகுதி நகரங்களின் ஏற்றுமதி மற்றும் இறக்குமதித் தொகை 9.46 இலட்சம் கோடி யுவானை எட்டி, கடந்த ஆண்டின் இதே காலத்தில் இருந்ததை விட 26 விழுக்காடு அதிகரித்துள்ளது. இது, சீனத் தேசியளவிலான வெளிநாட்டு வர்த்தக அதிகரிப்பு விகிதத்தைக் காட்டிலும் 6 விழுக்காட்டு புள்ளிகள் அதிகமாகும். இந்த தொகை, சீனாவின் மொத்த ஏற்றுமதி மற்றும் இறக்குமதித் தொகையில் வகிக்கின்ற விகிதம், கடந்த ஆண்டின் இதே காலத்தில் இருந்ததை விட 1 விழுக்காட்டு புள்ளி அதிகரித்து, 21.1 விழுக்காட்டை எட்டியுள்ளது. இதில் ஏற்றுமதித் தொகை 5.54 இலட்சம் கோடி யுவானாக இருந்து, 15.1 விழுக்காடும், இறக்குமதித் தொகை 3.92 இலட்சம் கோடி யுவானை எட்டி, 45.4 விழுக்காடும் அதிகரித்துள்ளன.
