2026ஆம் ஆண்டு ஷென்செனில் நடைபெற்ற ஏபெக் சிஇஓ உச்சிமாநாட்டில், விரிகுடா பகுதி ஒத்துழைப்புக்கான உலகக் கூட்டமைப்பை உருவாக்குதல் பற்றிய முக்கிய முன்மொழிவைச் சீனத் தரப்பு முன்வைத்தது. இந்தப் புதிய ஒத்துழைப்பு முன்மொழிவானது, ஆசிய-பசிபிக் பிராந்தியத்தின் கூட்டுச் செழுமை எனும் ஏபெக்கின் மையக் கருப்பொருளின் ஆழமான உட்பொருளை உள்ளபடியே புரிந்து கொள்ள உதவும். அதாவது, ஆசிய-பசிபிக் பிராந்தியத்தின் கூட்டுச் செழுமையானது, ஆவணங்களுக்குள் மறைந்திருக்கும் கருத்து அல்ல, மாறாக அது பல அடுக்குகள் கொண்ட, செயல்படுத்தப்படக்கூடிய மற்றும் நடைமுறைக்கு ஏற்ற ஒரு வளர்ச்சித் தொலைநோக்குப் பார்வையாகும்.
திறப்பு மற்றும் ஒத்துழைப்பில் ஊன்றி நிற்பது, மூடல் மற்றும் பிளவினை உறுதியுடன் எதிர்ப்பது ஆகியவை, ஆசிய-பசிபிக் பிராந்தியத்தின் கூட்டு செழுமைக்கான அடித்தளமாகும்.
ஆசிய-பசிபிக் பிராந்தியத்தின் கூட்டு செழுமைக்கான முக்கிய உந்துசக்தி புத்தாக்கத்திலிருந்து வரும் ஒன்றாகும். பிராந்திய வளர்ச்சி இடைவெளியைக் குறைப்பதே அதற்கான திறவுகோல் ஆகும்.
தொழில் மற்றும் வணிகத் துறையின் பொறுப்பான பங்காற்றுதல், ஆசிய-பசிபிக் பிராந்தியத்தின் கூட்டு செழுமையை நனவாக்குவதற்கான திறவுகோலாகும்.
அனைவரையும் உள்ளடக்குதல், பகிரப்பட்ட நன்மைகள், வாழ்வாதாரம் முதன்மை ஆகியவை ஆசிய-பசிபிக் பிராந்தியத்தின் கூட்டு செழுமைக்கு விழுமியம் சார்ந்த திசையை வழங்குகிறது.
விரிகுடா பகுதி நிலப்பரப்பில் குறைவாக இருந்தாலும், பரந்த பசிபிக் பெருங்கடலுடன் இணைகிறது. விரிகுடா பகுதி ஒத்துழைப்புக்கான உலகக் கூட்டமைப்பானது, ஆசிய-பசிபிக் பொதுச் சமூகத்தைக் கட்டமைப்பதற்கும், கூட்டுச் செழுமையை ஊக்குவிப்பதற்கும் ஒரு நடைமுறை சார் பாதையை உருவாக்கும் என்று நம்புகின்றோம்.
