சென்னை மாவட்டத்திலுள்ள மண்ணடி பிடாரி நகரில் வசிப்பவர் கோதர்ஷா. இவர் நேற்று இரவு தனது நண்பர் முகமது நசீப் என்பவர் உடன் காரில் வளசரவாக்கத்தில் இருந்து மண்ணடிக்கு சென்று கொண்டிருந்தார். இந்நிலையில் அவரது கார் வடபழனி ஆற்காடு பூங்காவின் அருகே செல்லும்போது திடீரென புகையாக வந்துள்ளது. இதை கவனித்த அருகில் சென்று கொண்டிருந்த வாகனத்தின் ஓட்டுனர் கோதர்ஷாவிடம் தெரிவித்தார். இதை தொடர்ந்து இருவரும் வேகமாக காரை நிறுத்திவிட்டு இறங்கி சென்று பார்த்துள்ளனர்.
மேலும் இருவரும் தீயை அணைக்க முயற்சி செய்தனர். ஆனால் தீ அதற்குள் கார் முழுவதும் பரவியது. இதுகுறித்து தீயணைப்புத்துறையினருக்கு தகவல் அளிக்கப்பட்டது. விரைந்து வந்த தீயணைப்புத் துறையினர் காரில் பற்றிய தீயை முழுவதுமாக அணைத்தனர். தீ கார் முழுவதும் பரவியதால் கார் எரிந்து வீணாகியது. ஆனால் எந்த உயிர் சேதமும் ஏற்படவில்லை சரியான நேரத்தில் கோதர்ஷா மற்றும் முகமது நசீப் இறங்கியதால் உயிர்பிழைத்தனர். இதனால் சிறிது நேரம் ஆற்காடு பூங்காவில் போக்குவரத்து நெரிசல் ஏற்பட்டது.
