விஜய் சேதுபதி, இயக்குநர் வெற்றிமாறன் மற்றும் நடிகர் சிலம்பரசன் இணையும் புதிய படமான ‘அரசன்’ திரைப்படத்தில் அதிகாரப்பூர்வமாக இணைந்துள்ளார்.
இந்த மாபெரும் கூட்டணியின் அறிவிப்பு ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இது STR -VJS கூட்டணியில் இரண்டாவது படமாகும். முன்னதாக இருவரும் மணிரத்னம் இயக்கிய ‘செக்கச் சிவந்த வானம்’ படத்தில் ஒன்றாக இணைந்து நடித்திருந்தனர்.
அதேபோல், வெற்றிமாறன் உடன் இது விஜய் சேதுபதியின் மூன்றாவது படமாகும். முன்னதாக அவர்கள் இருவரும் ‘விடுதலை பாகம் 1 மற்றும் 2’ ஆகிய படங்களில் பணியாற்றியிருந்தனர்.
முன்னதாக இயக்குநர் வெற்றிமாறன் இயக்கத்தில் தனுஷ் நடித்த திரைப்படமான ‘வடசென்னை’யில், ‘ராஜன்’ என்ற மிக முக்கியமான கதாபாத்திரத்தில் நடிக்க முதலில் விஜய் சேதுபதிதான் ஒப்பந்தம் செய்யப்பட்டிருந்தார் என்பது குறிப்பிடத்தக்கது.
