வடக்கு கோவாவில் உள்ள பாகா பகுதி கடற்கரையில் இயங்கி வந்த இரவு விடுதி ஒன்றில் அதிகாலையில் ஏற்பட்ட பயங்கர தீ விபத்தில் 23 பேர் உயிரிழந்தனர். இந்தச் சோகச் சம்பவம் குறித்துப் பிரதமர் நரேந்திர மோடி ஆழ்ந்த இரங்கலைத் தெரிவித்தார். மேலும், தீ விபத்தில் உயிரிழந்தோரின் குடும்பங்களுக்குப் பிரதமர் தேசிய நிவாரண நிதியிலிருந்து தலா ரூ.2 லட்சம் வழங்கப்படும் என்றும், காயமடைந்தவர்களுக்குத் தலா ரூ.50,000 வழங்கப்படும் என்றும் அவர் அறிவித்தார்.
மேலும், இந்த விபத்தால் பாதிக்கப்பட்டவர்களுக்கு மாநில அரசு அனைத்து உதவிகளையும் வழங்கி வருவதாகப் பிரதமர் மோடி நம்பிக்கை தெரிவித்தார். இந்த நிவாரண அறிவிப்பு, துயரத்தில் இருக்கும் குடும்பங்களுக்கு ஓரளவுக்கு ஆறுதலை அளிக்கும் என எதிர்பார்க்கப்படுகிறது.
Please follow and like us:
