இந்தியாவில் தற்போது நிலவும் எளிதான கடன் வசதிகள், குறிப்பாக ‘இப்பொழுது வாங்கி பிறகு பணம் செலுத்துங்கள்’ (Buy Now Pay Later – BNPL) மற்றும் உடனடி கடன் செயலிகள் (Loan Apps), ஒரு பெரிய நிசப்தமான கடன் நெருக்கடியை உருவாக்கி வருவதாக நிபுணர் குழுவின் அறிக்கை எச்சரிக்கிறது.
கையில் பணம் இல்லாவிட்டாலும் பொருட்களை வாங்கும் நுகர்வோர் கலாச்சாரம், நடுத்தர மற்றும் குறைந்த வருமானம் கொண்ட குடும்பங்களை மீள முடியாத கடன் வலையில் தள்ளி வருகிறது.
முன்பெல்லாம் கடன் வாங்குவது என்பது கடினமான காரியமாக இருந்தது. ஆனால் தற்போது, ஒரு சில நிமிடங்களில் மொபைல் செயலிகள் மூலம் பிணையில்லா கடன்கள் வழங்கப்படுகின்றன.
