தமிழ்நாட்டில் பிளஸ் 2 மதிப்பெண்கள் அடிப்படையில் சேர்க்கை நடத்தப்படும் பி.எஸ்சி நர்சிங், பி.பார்ம் உள்ளிட்ட துணை மருத்துவப் படிப்புகளுக்கான விண்ணப்ப கால அவகாசத்தை நீட்டித்து மருத்துவக் கல்வி மற்றும் ஆராய்ச்சி நிறுவனம் உத்தரவு பிறப்பித்துள்ளது.
அத்துடன், தனியார் மருத்துவக் கல்லூரிகளில் அடுத்த மூன்று கல்வியாண்டுகளுக்கான புதிய கல்விக் கட்டணத்தையும் தமிழ்நாடு அரசு அதிகாரப்பூர்வமாக நிர்ணயம் செய்து அறிவித்துள்ளது.
இந்த அறிவிப்பு, இதுவரை விண்ணப்பிக்கத் தவறிய மற்றும் கட்டண விவரங்களுக்காகக் காத்திருந்த மாணவர்களுக்கும் அவர்களின் பெற்றோர்களுக்கும் மிகப்பெரிய நிம்மதியை அளித்துள்ளது.
