சீன வணிக அமைச்சகம் இவ்வாண்டின் தொடக்கம் முதல், நவீன வணிக மற்றும் வர்த்தகச் சுழற்சி முறைமையை உருவாக்குவதில் புத்தாக்கத்தை ஊக்குவித்து, மொத்த மற்றும் சில்லறை வணிக தொழிலின் உயர்தர வளர்ச்சியை மேம்படுத்தி, உள்நாட்டு தேவையை விரிவுபடுத்துவதற்கும் பெரிய உள்நாட்டுச் சந்தையை உருவாக்குவதற்கும் வலுவான ஆதரவை வழங்கியுள்ளது.
இது குறித்து சீனத் தேசிய புள்ளிவிவர பணியகம் வெளியிட்ட தரவுகளின்படி, இவ்வாண்டின் முதல் 9 மாதங்களில், சீனாவின் மொத்த மற்றும் சில்லறை வணிக தொழிலின் கூட்டு மதிப்பு 11.1 லட்சம் கோடி யுவானை எட்டியது. இது முந்தைய ஆண்டை விட 4.4 சதவீதம் அதிகரித்துள்ளதோடு, இவ்வளர்ச்சி விகிதம் நடப்பு ஆண்டின் முதல் பாதியை விட 0.7 சதவீத புள்ளிகள் அதிகமாகும். இது, நாட்டின் மொத்த உள்நாட்டு உற்பத்தி மதிப்பில் 10.4 சதவீத பங்கு வகித்துள்ளது. இந்தத் தொழில் பொதுவாக சீராக வளர்ந்து வருவதோடு, இது உள்நாட்டு தேவையை விரிவுபடுத்துவதற்கும், உள்நாட்டுப் பொருளாதாரச் சுழற்சியை வலுப்படுத்துவதற்கும் உறுதியாக ஆதரவளித்துள்ளது.
