பாஜக ஆட்சியில் சிறிய நகரங்களிலும் தரமான மருத்துவ வசதி உறுதிப்படுத்தப்படுவதாக பிரதமர் மோடி பெருமிதம் தெரிவித்தார்.
உத்தர பிரதேச மாநிலம் வாரணாசியில் ஆர்.ஜெ. சங்கரா கண் மருத்துவமனையைத் தொடங்கிவைத்து பேசிய அவர், நோய் வருமுன் அதைத் தடுப்பதைக் கருத்தில் கொண்டு மத்திய அரசு திறம்பட செயல்படுவதாக குறிப்பிட்டார்.
மத்தியில் பாஜக ஆட்சியில் மருத்துவர்களின் பற்றாக்குறையைக் களைந்து சிறிய நகரங்களிலும் தரமான மருத்துவ வசதி உறுதிப்படுத்தப்படுவதாக பிரதமர் மோடி கூறினார்.
ஆன்மிக நகரமாக கருதப்படும் காசியானது, ஆர்.ஜெ. சங்கரா கண் மருத்துவமனையின் வருகையால் இனி மருத்துவ மையமாக திகழும் என நம்பிக்கை தெரிவித்த பிரதமர் மோடி, இதன்மூலம் முதியோருக்கு தரமான சிகிச்சை வசதி கிடைக்கும் என குறிப்பிட்டார்.
இதையடுத்து விழா அரங்கிலிருந்து பிரதமர் மோடி புறப்பட்டதும் சாலையின் இருபுறமும் திரண்ட பொதுமக்கள், உற்சாகை கரவொலி எழுப்பி அவருக்கு வரவேற்பு அளித்தனர்.
