சென்னை : சென்னையில் இன்று (நவம்பர் 12, 2025) 22 காரட் ஆபரணத் தங்கத்தின் விலை கிராமுக்கு ரூ.100 குறைந்து ரூ.11,600-க்கும், ஒரு சவரன் (8 கிராம்) ரூ.800 குறைந்து ரூ.92,800-க்கும் விற்பனை செய்யப்படுகிறது. நேற்று (நவம்பர் 11) சவரன் ரூ.93,600-ஆக இருந்த நிலையில், இன்றைய குறைவு நகை வாங்குவோருக்கு பெரிய நிவாரணமாக அமைந்துள்ளது.
இதேபோல் 18 காரட் தங்கமும் கிராமுக்கு ரூ.85 குறைந்து ரூ.9,665-க்கும், சவரனுக்கு ரூ.680 குறைந்து ரூ.77,320-க்கும் விற்பனையாகிறது.நவம்பர் மாத தொடக்கத்தில் இருந்து தங்கம் விலை தொடர்ந்து ஏற்ற இறக்கத்துடன் இருந்து வருகிறது. நவம்பர் 10-ஆம் தேதி ஒரே நாளில் இரு முறை உயர்ந்து சவரன் ரூ.91,840-ஆக இருந்தது.
நவம்பர் 11-ஆம் தேதி ரூ.1,760 உயர்ந்து ரூ.93,600-ஆக உச்சம் தொட்டது. இந்த உயர்வு நகை வாங்குவோரை அதிர்ச்சிக்குள்ளாக்கிய நிலையில், இன்றைய குறைவு மகிழ்ச்சியை ஏற்படுத்தியுள்ளது.வெள்ளியின் விலையில் இன்று உயர்வு ஏற்பட்டுள்ளது. ஒரு கிராம் வெள்ளி ரூ.3 உயர்ந்து ரூ.173-க்கும், ஒரு கிலோ வெள்ளி ரூ.1,73,000-க்கும் விற்பனையாகிறது.
கடந்த சில நாட்களாக வெள்ளி விலை சீராக இருந்த நிலையில் இன்றைய உயர்வு குறிப்பிடத்தக்கது.சர்வதேச சந்தையில் தங்கத்தின் விலை, டாலர் மதிப்பு, பொருளாதார நிலவரங்கள் ஆகியவை இந்தியாவில் தங்க விலையைப் பாதிக்கின்றன. திருமண சீசன், பண்டிகை காலத்தையொட்டி தங்க நகை வாங்குவோர் இந்தக் குறைவைப் பயன்படுத்திக்கொள்ள வியாபாரிகள் அறிவுறுத்தியுள்ளனர். விலை மேலும் குறைய வாய்ப்புள்ளதால், வாங்குவோர் விலை நிலவரங்களை உன்னிப்பாகக் கவனிக்க வேண்டும் என்று கூறப்படுகிறது.
